وش حلاة اصبعك لا منه يداعب شفتك

[اورنس الهذال]

المشاركة الأصلية كتبت بواسطة صالح الثبيتي

[POEM="font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]وش حلاة اصبعك لا منه يداعب شفتك = كنه اللي يجمع الشهد من حوله يبيه
لهفته في حظنها شابهتها لهفتك = يوم تحلم في حظن دافي وكنك ما تبيه
يوم ترخي بالنواظر مع عيونك جبهتك = اشهد ان الليل نايم بين رمش (ن) له نبيه
واشهد ان الملح كله فيك حاوي بسمتك = يوم بشفاهك تحركها وقلبي تطربيه
يا غصين البان مايل في تزاهي طلتك = مال معك العمر كله فدوتك لو تطلبيه
الرموش الناعسه في تباهي نظرتك = ما لها رحمه بقلباً من عذاباً تكتبيه
الحسن آيه وربي زايده في حظرتك = والجمال اليوسفي تبتديه وتنتهيه
جامعه زين الصبايا كلهن في جملتك = لا كثيرٍ تخسريه ولا قليلٍ تكسبيه
العطر فوح التهادي في حلايا خطوتك = يزعل الوردات عطرك دامة انتي تقربيه
فاتنه وش عاد باقي من مزايا حضرتك = الشعر في وصف زينك تجذبيه و تتعبيه
لا واعذابي كل ماشفته يداعب شفتك = اقول يا بخت اللي يدور للشهد دايم يبيه [/POEM]

وسلامتكم

صالح الثبيتي

صالح

كتبت نفسها مره اخرا

لا اجد حروفي

صح لسانك

ودمت مبدعاً

 

[عبدالله ثويني المانع]

..

العزيز / صالح الثبيتي .. أهلاً بك

نص ممتع للغاية أجدت صياغته

جامعه زين الصبايا كلهـن فـي جملتـك
لا كثيـرٍ تخسريـه ولا قليـلٍ تكسبـيـه

ولأنها جمعت صفات الجمال كلها
كان هذا النص جميلاً يتغنى بالجمال

صالح لك الشكر والتقدير ... ودام تواصلك وتفاعلك


أرق التحايا لقلبك

..

 

[صالح الثبيتي]

المشاركة الأصلية كتبت بواسطة عبدالله ثويني المانع

..

العزيز / صالح الثبيتي .. أهلاً بك

نص ممتع للغاية أجدت صياغته

جامعه زين الصبايا كلهـن فـي جملتـك
لا كثيـرٍ تخسريـه ولا قليـلٍ تكسبـيـه

ولأنها جمعت صفات الجمال كلها
كان هذا النص جميلاً يتغنى بالجمال

صالح لك الشكر والتقدير ... ودام تواصلك وتفاعلك


أرق التحايا لقلبك

..

عبد الله المانع

تواجدك الدائم ودعمك لي يشعرني بالثقة في نفسي

لا اجد ما اكتبه حيال تواجدك المبهر

صح بدنك

خالص مودتي

صالح الثبيتي

 

[نواف التركي]

صح لسانك

يا صالح

ولاهنت

دمت بخير

 

[محمد الناصر]

صالح الثبيتي :

جميل هذا الوصف الرقيق .الدقيق

لمزايا تجمع الحسن من كل النواحي

وقصيدة تجمع كل ضروب الابداع

لك كل الود

 

[صالح الثبيتي]

المشاركة الأصلية كتبت بواسطة محمد الناصر

صالح الثبيتي :

جميل هذا الوصف الرقيق .الدقيق

لمزايا تجمع الحسن من كل النواحي

وقصيدة تجمع كل ضروب الابداع

لك كل الود

محمد الفنان التشكيلي


اجد ان حروفي ازدانت بحضورك

لا عدمت هذا الحضور المبهر

خالص مودتي

صالح الثبيتي

 

[ماجد الركابي]

فاتنه وش عاد باقي من مزايا حضرتـك
الشعر في وصف زينك تجذبيه و تتعبيـه

صح لسانك ولاهنت

دمت بخير

 

[صالح الثبيتي]

سعود سالم

صح بدنك

اشكر مرورك على متواضعتي

دمت بخير

صالح الثبيتي