وجــع ســاخن

[ناصر حطاب الدهمشي]

الســلام عليكم ورحمة الله وبركاتــه



مجرد فضفضة من نصفي لــ نصفي

(( وجع ساخن ))




[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
دام العنا يا غايبـة يسحـب وراعينـه وراه=صدري متى زاد العنا زادت مساحاتـه شبـر
كنتي وطن في تربته أجمل تفاصيـل الحيـاة=وكنت السما و مآذنك كل صبح ٍ أسقيها مطر
حبيبتي ترى الجفـا درب ٍ يطاردنـا ظمـاه=وانا الظما يا سيّـدة قبلـك تعايشتـه عمـر
فيني ( وجع ساخن ) غرز في جنبي الأيسر وصاة=لأحفادة المتناثرة .. كل لحظة ٍ فيني تمر
من يوم رحتي هالحزن .. تباشرت فيني خُطاه=حتى الألـم جحافلـه تحاشـر بدمِّـي حشـر
في غيبتك مابه بشر .. بعدك يريحنـي لقـاه=كل الوجيه المشرقة أشوفهـا بعينـي سُمـر
وفي غيبتك صوت الفرح يمرني مثل القطـاه=وصوت العنا متكاثر وباني له بصدري قصـر
تايه و كفِّـي ترتـفع.. لا دوَّّر الضيـق برحـاه=متفتته ملامحـي .. وعيونـي الثكـلا حمـر
أجر حزني و تعبي تقطر على ساقـي دمـاه=وكف العنا متوحشة تعصر من عروقي خمر
ردي أبدفن هالتعب .. وابدفن اوجاعي معاه=وآفج صدري وأغمرك في غبة أعماقه غمر
يا آنسة ذنب الجفا بعثر على وجهي خـَـطاه=والضلع الأمتن عانقه مارد رحيلك و إنكسر
متى حضورك ياخذ غياب ٍ تمردبـي عنـاه ؟=ومتى غيابك ياخذ حضور ٍ ماعلمني صبـر؟
أنتي غيابك يا ( الغلا ) طفلة ملامحها وفـاة=أحدَّها يم الفضـا .. و تحدنـي يـم القبـر [/poem]

وسلامة أرواحكم

0
0
شريان نابض لكل من قرأني بصدق

0
0

ناصر حطاب الدهمشي

 

[هنادي المطيري]

أحدها يم الفضا .. وتحدني يم القبر !

،

بالله عليـك ؟
من يجيد العزف على أوتار القصيد
بهذة الدقة / والاحترافيه غيرك يابوحطاب !؟

صح بوحك / روحك ولاهنت
دام نبضك بــ عز



أختك ،

 

[ميــرال]

متى حضورك ياخذ غياب ٍ تمردبـي عنـاه ؟
ــــ ومتى غيابك ياخذ حضور ٍ ماعلمني صبـر؟




بيت يكفي لإشباع ذائقة من يبحث عن الــ شعر


رائع واكثر
مذهل

 

[ناصر حطاب الدهمشي]

المشاركة الأصلية كتبت بواسطة قلب الشعر

أحدها يم الفضا .. وتحدني يم القبر !

،

بالله عليـك ؟
من يجيد العزف على أوتار القصيد
بهذة الدقة / والاحترافيه غيرك يابوحطاب !؟

صح بوحك / روحك ولاهنت
دام نبضك بــ عز



أختك ،

أنت ِ منين طلعتي

خوذي خوذي ... ياعل عظام اللي جابوك للجنة
7
7

قلب الشعر تدرين لو ارسمك ظل
00000000000 كل طيب هالدنيا يجـي يـستظلك
لإنك عظيمة راقية والشرف زل
0000000000 أسمى طهر في عِفـَّـتـِك وإستحلِّك


قلب بذمتي إنك فخر لمطير وللشعر

ومجيئك لمتصفحي شرف

مهما قلت شهادتي فيك مجروحة يا العز

وشهادة شاعرة بحجمك روح تتمناها كل قصيدة

يا مسلمة والله إني سعيد بتواجدك

أخوك و حزامك

0
0

ناصر الدهمشي

 

[غنج نجد]

الشاعر الفاخر , اخوي الغالي


ناصر حطاب العنزي


وبعد هذا الغيابــ .. جاءت منك تلك الباسقه لتشفع لك ..
اهلا .. لا تنتهي يـا ناصر ..
قصيـــده .. مكتظــه بالشعر .. ولا غرابــه والعطر دائماً
ينسكب بين أنـاملك ليعطر أرواحنـــا ..

صح الله روحك حتى علامات الرضى
ومدائن ورد , ود لقلبــك


اختك

غنج نجد

 

[هنادي المطيري]

المشاركة الأصلية كتبت بواسطة ناصر حطاب العنزي

أنت ِ منين طلعتي

خوذي خوذي ... ياعل عظام اللي جابوك للجنة
7
7

قلب الشعر تدرين لو ارسمك ظل
00000000000 كل طيب هالدنيا يجـي يـستظلك
لإنك عظيمة راقية والشرف زل
0000000000 أسمى طهر في عِفـَّـتـِك وإستحلِّك


قلب بذمتي إنك فخر لمطير وللشعر

ومجيئك لمتصفحي شرف

مهما قلت شهادتي فيك مجروحة يا العز

وشهادة شاعرة بحجمك روح تتمناها كل قصيدة

يا مسلمة والله إني سعيد بتواجدك

أخوك و حزامك

0
0

ناصر الدهمشي

ياكبرك بعين أختك يا بوحطاب
صح لسانك ولاهنت / ولاخلا ولاعدم هالطيب

 

[صالح الضويحي]

حبيبتي ترى الجفـا درب ٍ يطاردنـا ظمـاه
وانا الظما يا سيّـدة قبلـك تعايشتـه عمـر

فيني ( وجع ساخن ) غرز في جنبي الأيسر وصاة
لأحفادة المتناثرة .. كل لحظة ٍ فيني تمر


ياحزن الايام وش خليت لأحفادي..

أنت جميل يا ناصر في كل حالاتك

وما كُـتـب بصدق.. قرئ بصدقٍ اكثر

كل المساحات مشرّعه لك ايها الرائع

شكرا لحضورك هنا..



تحياتي لك

 

[ناصر حطاب الدهمشي]

المشاركة الأصلية كتبت بواسطة ميــرال

متى حضورك ياخذ غياب ٍ تمردبـي عنـاه ؟
ــــ ومتى غيابك ياخذ حضور ٍ ماعلمني صبـر؟




بيت يكفي لإشباع ذائقة من يبحث عن الــ شعر


رائع واكثر
مذهل

الغدق

ميرال

إمضاؤكِ بمتصفحي نور له جسد وروح..

ميرال لا ياعلِّك بعد الردي ..

دمت ِ باسقة
.
.
.

ناصر الدهمشي