هادم اللذات

[مرعي ونيس]

أحبتي كل عام وأنتم بشعر غفر الله ذنوبكم بهذا الشهر الفضيل

ولكم الود

.
.





[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يـارب للـذات ..والــذات هــادم=أستغفر..وأجلد على التوبـه الـذات
جيتك..وأنـا يـارب الأربـاب نـادم=على غيابي مـع حضـور الملـذات
بينـي وبينـي ..ياالاهـي تـصـادم=ليّـا قـرا بدر*..مـن الذِكـر آيـات
أروح وأنــا توني..مـنـك قــادم=جسمي للأرض ومرجع روحي سموات
ياخالـق آدم..عـبّـدك وأبــن آدم=ماني معصوم..ولو حفظت الصلـوات
همـوم بقعا..علـى قلبـي تــرادم=ياشيب عيني وأنا أشوف العمر فـات
ياوين أودي وجهي منّـك وأنـا /دم=مخلوق من طين..وللحصان كبـوات
يامسـمّـي الأسـمـا..ورب الأوادم=تقرّ عيـن اللـي توضـا.. ولابـات
يرجيـك بعيـداً عـن أهـل الهنـادم=وأهل المجامـل /والجُمل/والجمـالات
ويدعيـك تغفـر كـل زله..لـنـادم=أنت اللي حبالك مسـاس وطويـلات
يــارب للـذات..والـذات هــادم=أرحمنا وحنّا أحياء..يـارب وأمـوات
[/poem]


*أمام مسجد الراجحي بطريف


ودمتم بود وورد

 

[فهد الغبين]

جميل في كل حالاتك
ايه المرعي

لله درك وصح السانك ولاهنت

دمت بود

 

[جُمان]

مَرعي ونيس ..

أيُّ طمأنينَةٍ تغمُرنا ونحن نتهادى في رِحابِ هذا النّص الطاهِر
تماماً كإشراقِ النّور في قلبِ مؤمن

يــارب للـذات..والـذات هـــادم
ــــــــ أرحمنا وحنّا أحياء..يـارب وأمـوات

اللّهُم آمين


رائع جداً

.

.

 

[مقبل الرويلي]

اخوي مرعي


مبروك عليك الشهر

كل عام ونت بخير


قصيده رائعه وانت دائمااااا شاااامخ


صح لسانك يا الغالي

 

[ديم]

القدير/ مرعي


نص معبر



شكرا لك


:

 

[ناصر حطاب الدهمشي]

ونيس الشعر

أنصافنا تلتصق على بعضها بإحكام في كل حضور لك .

أقسم أنِّي أطرب لنصوصك ..
أ
ح
ب
ك

يا دمّي

 

[مرعي ونيس]

المشاركة الأصلية كتبت بواسطة فهد الغبين

جميل في كل حالاتك
ايه المرعي

لله درك وصح السانك ولاهنت

دمت بود

.


فهد الغيم تواجد هو الورد عندما ينبت على الغيم

ذكرتك بمدينة الضباب لانتظار جديدك



تواجدك مهم وملهم للشعر


ألف شكر


كن بخير

 

[شــمــ نـجـد ــس]

:

اللهم آمين
بليالي النور لن يكون غير ذلكـ بقلب المؤمن ..
الشاعر مرعي ونيس
سلمت