تعال- دور صمتي الي لزمته !!

[عبدالمحسن العتيبي]

[poem="font="simplified arabic,5,black,bold,italic" bkcolor="transparent" bkimage="" border="none,5,gray" type=2 line=0 align=center use=sp num="0,black""]ياصاحبي ما هيب لحية مشاريه = الجرح توه وانت جيت ولطمته
لا عاد تسآلني عن الصدر وش فيه = خل العزيز بحال لو طال صمته
ما شاف من صكات بقعا تكفيه = اخر محطه جسرك الي هدمته
لا ضاق صدره وانتخى في قـــوافيه = يشرح لك الي غامضآ ما فهمته
البر اعرفه زين واعرف مماشيه = وحتى البحر طبيت وسطه وعمته
من كثر مافهم منه واعرف خوافيه = لا ابحرت والتيار عالي وسمته
الا الفضاء بالذات لا حل طاريه = قلت انشدوني كيف وش لون حمته
بس اختصر لك كل ما قلت عاليه = الكون كله في خيالي رسمته
بعض القصيد الجزل لا جت معانيه = تنبيك عن تفسير حلمآ حلمته
مثل الرفيق المخلص الي تداريه = وتكبر بعينه بالخفا لا خدمته
واكبر مصيبه كان ضاعــت هقاويه = هذا هو الي في حياتي ندمته
لاصار يجرح ونــت دايم تداويه = تندم على وقتآ مضى لك حشمته
تدري وش الي يجرحه لو تسويه = لاصار مخلص معك وانت اتهمته
وانا لو ان الليل قاســــــــي بخاويه = من كثر ما يدمح خطاي احترمته
هو الونيس ولا يضّيع مبـــــاديه = وهو الرفيق الي بقى لا عدمته
لا الهم باغيني ولا ني ببــــــاغيه = لكن يجي لا شافني ما عزمته
اترجمه لاضاق صدري واغنيه = وكم ليلة ٍلا جاء بصدري هزمته
احيان يرقى في عيوني ولا ابكيه= ون كان حول للشفاه ابتسمته
تعبّت ليلي يوم اهوجس ونا جيه = حتى السهر من موق عيني رحمته
يزورني حلو الكرى لين اسريه = ون جاء ينام بوسط عيني حرمته
يسهر معي في كل لليله وناسيه = اتلى العهد به هاجسي لازهمته
اغلى الذهب من منجمه جبت صافيه = ون كان طاح الحظ ما عاد لمته
ون شفت سيلآ سايلآ من علاويه = تعال دور صمتي الي لزمته [/poem]

 

[سلطان الوثر]

الشعر إن لم يعبر عن مافي النفس ليس شعراً
هكذا ياعبد المحسن

ولاندمان على فعل الطيب , ولا خسران


شكراً لك وطيّب الله فالك

 

[نواف العطا]

عبدالمحسن العتيبي
جميل هذا الشعر وهذا الابداع
وصح لسانك اخوي
وبالتوفيق

 

[عبدالمحسن العتيبي]

المشاركة الأصلية كتبت بواسطة سلطان الوثر

الشعر إن لم يعبر عن مافي النفس ليس شعراً
هكذا ياعبد المحسن

ولاندمان على فعل الطيب , ولا خسران


شكراً لك وطيّب الله فالك

اهلا بك يا سلطان

تشرفت بمرروك

ولا شكر على واجب

تحتياتي لك

 

[عبدالمحسن العتيبي]

المشاركة الأصلية كتبت بواسطة نواف العطا

عبدالمحسن العتيبي
جميل هذا الشعر وهذا الابداع
وصح لسانك اخوي
وبالتوفيق

هلا والله يا نواف

صح كلك

وتشرفت بمرورك