ياعين لاتنامين

[عبدالله الزيد]

ياعيـنِ لاتناميـن مع من ينـامووون
............ لين الصباح يحين وقـت إنبلاجـه
اخاف لو تغفيـن .. صدفه يمروون
............ يمكن بـ هذا الليل يبغـون حاجـه


هنا شعر يجب ان يتابع
شكرا لهذا الحضور الانيق يا احلام

 

[صالح العرجان]

المشاركة الأصلية كتبت بواسطة أحلام مؤجلة

لانبكيهم إعتراضآ ... ولكن نبكيهم فقدآ وإشتياقآ

ياعيـنِ لاتناميـن مع من ينـامووون
............ لين الصباح يحين وقـت إنبلاجـه
اخاف لو تغفيـن .. صدفه يمروون
............ يمكن بـ هذا الليل يبغـون حاجـه
هم من ظلام الليل كانوا يخافوون
............ منهو لهم لو نمت يشعل سراجـه
ماهو بإيديهم يـوم عني يروحوون
.............. هم يعرفون القلب مثل الزجاجه
لو ينكسر ويطيح ...ماعاد يلقوون
............. لو بعد "مية عام" طب لـ علاجـه
قالوا نجي ماأظن ممكن يكذبوون
.......... ماطولنا حييـن .. كووود انتواجـه
لكن طريق الموت ندري ويدروون
............ مايرجّـع اللي يوم ..عـدا سياجـه
"مكتوب" والمكتوب عنه يقولوون
.......... ماهو بـ كيف الشخص وإلا مزاجه
شفتي خفـوقي يـووم كانوا يغيبون
............. ياعين لجل الوصل كم درب داجه
آآحسّهم بـ عٌروق قلبي يماشوون
............ "دم الوريـد" اللي تزااايـد هيـاجه
واسمع صداهم حين بإسمي ينادون
........... وبين الضلوع العوج زاد اختلاجـه
ياعيـن لاتنامين ... يمكـن يعدوون
.............. وإلا الزمن ياعين يضحك حجاجه
وأسلى وأعيش العمر مع من يعيشون
................ وآصك باب القلب رغم احتياجـه
يمكن ننام الليل مع من يناموون
.............. وإلا الصباح يحين وقت إنبلاجـه



أحلام مؤجلة

احد الذين حالفهم الحظ اثناء انشقاق الشعر عنها بيت بيت حتى اكتمالها

انا كان للروح موسيقى تهيم بها فحتما هنا النغم

صح لسانك يا شاعره

 

[عبدالله صلال العساف]

هم من ظلام الليل كانوا يخافون
منهو لهم لونمت يشعل اسراجه

صح لسانك شاعرتنا الرائعه
على الاقتناص الجميل
وعلى هذه الباقه الشعريه الرائعه

 

[عبدالعزيز العميري]

سلام لقلبك وللشعر

 

[سليمان عباس]

صح لسانك
احلام مؤجلة
من يدخل ليقرأ قصيده في أي متصفح لك
سيخرج بكامل الرضا
شكرا لهذا المطر