فـــرحـــة ورق

[رجا المريخي]

[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تعب ذاك الورق يكتم بقايا من بقايا أسرار = وتعب ذاك القلم يشكي لصفحات الورق جرحه

وتعب قلبي وهو حاير مابين ألفين نار ونار = وتعب ذاك الألم فيني يدور للأسف فرحه

حزن عارم يغطيني ويجتاح الضلوع إعصار = يدمر باقي أحلام ٍ تشيد للأمل صرحه

تعبت ومابعد فيني أدور للزمان أعذار = حزن مستوطن أحشائي يطول بداخلي شرحه

دموع العين ترسمني على كف الحزن تذكار = وليلي جمع جروحي ولبسها بعد طرحه

وآآه ٍ داخلي زادت على ذاك الحزن أمرار = جروح ٍ مابعد تبرا يقلبي ويش تقترحه

أهاجر عنهم وأنسا وأبدل هالديار إبدار = أو أكتم داخلي حزني وأقول النفس منشرحه

تعبت من الزمن كنه عدوي يالله الستار = أشوف النفس قدامي بوسط إفراش منطرحه

ألم زائد ألم فيني كذا لف الزمان أو دار = تضيق الدنيا بعيوني وبعيون الملا شرحه

نعم حزني مغطيني وطراطيشه على الأشعار = يبين الحزن بعيوني وملامح وجهي المرحه

ولاكن دفتري يأبا وأشوفه للصبر مختار = يداري دمعه إبعينه ويتصبر على جرحه

نعم مسكين يادفتر تشوف إصويحبك محتار = ولاكن الصبر طول بدالي ينهدم صرحه

نعم هذا الورق يتعب نعم من كثرة الأسرار = وقررت أكشف أوراقي وقلت الليوم بافرحه[/POEM]