سبع السنابل ..

[إبراهيم الشتوي]

لكم وللطهر الذي يسكنكم ..


قل للغياب اللي مساء في خافقي ماني غروب
للنور بعذوق الغلا سر يحب السالفه



ماني رحيل للرحيل حتى الإياب صاير كذوب
ولاني مدور فالسراب ركض يحب موالفه



قل للغياب اللي بذر يبّاب في كل الدروب
ما جفت آبار الوفاء والصدق يم ..محالفه



لا .. ماتنشى ..وانتشى غيم الوعد يكفي هبوب
سبع السنابل عارفه صدق المزن ..ما تخالفه


يا ما شحذتك يا لغسق وسط الغرق جيتن هروب
وياما سريتك فالورق أبيات صفرٍ تالفه


قل للوضوح الي ينوح بخافقي ملح ٍ يذوب
لو شفت بعماق النوى آهه قديمه دالفه


وقل للغياب الي بذر يبّاب في كل الدروب
ما جفت غصون الامل والمزن كف توالفه