[ عراقيّات ]

[عبدالناصر الأسلمي]

واريدك ياحبيبي تبوس نفسك
بس بداخلك تنويها ليّا

 

[محمد الغشام]

,

وأريدنّك على اشفافك تضيع
وانا شكثر أريدنّك
هوايا من مسامر هالغرام
وحيد انطر حمام الدار لاصارت عليّا
تحوم بنظرتك بيّا
وأريدنّك ..!

 

[عبدالناصر الأسلمي]

البارحة ..
هاجت أشواق العمر كلها , البارحة ..
وحنيّت ألك بأكبر همومي البارحة ..
حنيّت ألك حّنةّّّ غريب ويذكر أحبابه بعد غيبة وسفر ..
شايف حنين العمر لأيام الصبا ,
يتمنى يرجع ساعة لأيام الصغر ؟
شايف حنين الصيف لأيامه أذا جاه الشتا
هاكثر يلتم حزن مابين الشجر ؟
حنيّت ألك
وردتك تعاشرني أبدال أنجوم كانت سارحة ..
نجمة تسامرني غصب ونجمة تكليّ رايحة ..
البارحة..
البارحة , وصيّت ألك ..
وياما البحر ضيّع وصايا السفن والسّفانة ..
وصيّـت ألك ..
وياما الدهر غرّق أشواق العاشق بأحزانه ..
وصيّت ألك ..
وياما الوطن ضيّع عناوين الأحبة ويّ عنوانه
وصيّت الك ..
وصيّت ألك حتى العصافير الزغار الفرحّت دنيانه
طارت أبشوقي أمغبشه ماخذها الهوى فرحانة
ولمّا ذبل ورد الصبر ,
رجعت لي مهمومة يعيني وهاكثر حزنانة !!
وطاحت هموم الليل فوق أجفوني وي مجرى الدموع الجارحة .
والمشكلة ,
نجمة تسامرني غصب ونجمة تكليّ رايحة البارحة ..
غنيّت ألك كل الأغاني الليّ تحبها , البارحة
وردتك تجي
وكنت أحسب العشاق يلتمّون عندي البارحة
وبلكت تجي ..!
ولميّت ألك كل الأشعار العندي حتى أحكيلك
أحلى الكلام الليّ يبوس أعيونك ويضوي لك
وردتك تجي لابس قوافي الذهب كلها الليّ صغتها أبحبك ..و حتى أشكيلك ..
أشكيلك من الدهر عّذبني بغيابك , ويزعل من أغنيلك
أشكيلك من الغدر ..من كثر ألأنذال السرقوا أشعاري ومواويلك
أشكيلك من الدنيا ماترضالي أزرع لك ورد بالوطن وأزهي لك
ردتك تجي ..
لكن الظلمة خيّمت,
وأسمع أنين العاشقين ابقلب
هذا الليل كلمن فاقد أحبابه غصب
,وكل يوم يسمع نايحة
البارحة .
.البارحة ,
صوتك أسمعه يعتبّ من أبعيد
, أسمعه ..منين أصيح أمنين ؟
ياصوت النخل بالريح
يبكي ودمعي دمعه
ياحلم المحبة

زهير الدجيلي

 

[ميــرال]

لكن الظلمة خيّمت,
وأسمع أنين العاشقين ابقلب
هذا الليل كلمن فاقد أحبابه غصب
,وكل يوم يسمع نايحة

 

[عبدالله صلال العساف]

كل الجروح اتطّيب
بس جرحك انته..!
كل ما اغط بالنّوم
تلدغني سكته

 

[فَجرْ العسَكرْ]

توصيني يواهس تضحك الدنيا على شفافك
يابو الليل الحلو اليلعب على أكتافك
أحس روحي تأمن بيك وتخافك
وأحسك لغز شنهو أنت وشنو أوصافك
ولأ غيرك نبع بالشوق يرويني
توصيني !!! توصيني على يا ذمه توصيني

 

[عبدالله صلال العساف]

عين ابعين قابلته..؟
مر يمي وتعدّاني..!
وسألني بكل وكاحة عين
اذا تعرفني ..ياهو آني.؟؟
انته الخاين الغدّار
انته الظالم الجاني
انته البعت عشرتنا
وربحك..دمعة اعياني

عبدالله صلال

 

[فَجرْ العسَكرْ]

قوه على قلبي دست قوه على روحي قسيت
مو هينه اجي بدمعتي واوقف بباب البيت
دقيت بابك خجل وبلا خجل دقيت
وفتحت بابك الي سلمت ما رديت
وسمعتك تقلي بهمس ياريت لو ماجيت