والعمر في غيابك قطعةٍ من عذاب

[صالح العرجان]

المشاركة الأصلية كتبت بواسطة عبدالله سماح المجلاد

بكل الحب الذي لايوصف نعانقكم بعد غياب إجباري بنص متواضع يسموا بكم ويرقىمع محبتي القلبيه الخاصه لأستاذي الحربي قايد/ الحربي خالد/سعد سيف/ولكل أبعادي في أبعاد ادبيه
[poem="font="traditional arabic,5,black,bold,normal" bkcolor="white" bkimage="" border="none,4,gray" type=2 line=0 align=center use=ex num="0,black""]
ليه غَيْم الْحِزِنْ يِغْتَال شمس الجبين=وكُلّ غَلْطَاتِكْ أنْتِي مَاعَلِيْها حساب
لِكْ جَمِيلْ العفو:من غير:ماتَطْلُبِيْن=وكل جَرْحٍ بَعَدْ:مَازُرْتِي الروح طاب
كنت مجروح مِنْْك:ولي بِذِمّتْك دَيْن=وفي حُضُوْرِك تناسيت الْعَتَبْ والْعِتاب
كيف أعَاتِبْ (وِكِنْ انْتِي حَدىَ)الوالْدَين=الْعَتَبْ يوم جيتي سَاحْ ثَلْجَه وذاب
مَابِقَى بالصدر إلاّ أثَرّ طعنتين=ذيك طعنة رحيل:وذيك طعنة غياب
مات هَالضيق والله يَرْحَمْ الميتين=ومابقى مِنْ طعون ولاَبِقَى مِنْ صواب
في جبينك دِفَنْ قلبي عذاب السنين=وصفحة الضيق طاحت من فصول الكِتاب
كُفّي الدمع،من شاني وَلاَتَسْكُبِينْ=من عيونك لِظَمْيَانْ الْنِوَاعِسْ شراب
كل مَاسَال دَمْعِكْ وَاغْرَقْ الوجنتين=تنْغَرَسْ بالضلوع العوج(شَلْفَا ذِيَاب)
لاَتِوَطّيْن رَاسِكْ (لاَ) وَلاَتَشْعُرين=بِانْكِسَارْ المهابة ياعزيزة جناب
أرْفِعِيْ راسِكْ وللأرض لاَتَنْظُريِنْ=وهَامِتِك لاَمِسي فيها كفوف السحاب
ومنزلٍ فيه من عُمْر:الْصِبَا تَسْكِنين=مَاقُوَتْ تعبث بوجهه يمين الخراب
إنْزِلِي بَالْبَصَرّ مابين جفنٍ وعين=ونوِّخِيْ في مِسَاحَاتْ العيون الْرِكَابْ
وجرّي أخطاك وامْشِيْ خَطْوَه وخَطْوِتَيْن =بين جلدي وعظمي حَدْر بيض الثياب
وهَاكْ قلبي على الكفّين فوق اليدين=صافِيٍ ماه مَاجَتْ فيه ذرّة تُراب
وأشْرَبِي من ينابيعه وَلاَترتوين=وإتْرَكِي للظُمَى داخل مِشَاعِرْكْ باب
وعن مرارة زمانٍ فات لاَتَنْشِدِيْن=كل جرح ٍ بِِجِسْم الأمس ولّى وغاب
وكان في خَاطِرِكْ ياغاليه تسألين=إسأليني عن عيونك وخوذي جواب
الْعُمُر في وجَوْدِك زَهْرَة الياسمين=والعمر في غيابك قطعةٍ من عذاب [/poem]

عبدالله سماح المجلاد


الغلا شعرة جوف ما تجيها الملاقيط وأكبر خطأ يلامسها حزن يكدر نبضها
لك الشعر جاء على شكل هدب ناعس تعيش حروفك بأجفانه قصه من خيال


صح فكرك وصح نبضك


رد ود

 

[محسن الشاهر]

عبدالله سماح المجلاد


الله يعطيك العافية على هالابداع والتألق

انت شاعر كبير ومتميز


في كل بيت قصيدة

في متصفحك دائما ارتوي شعرا لانك شاعر لا تكتب الا الابداع

وكان في خَاطِرِكْ ياغاليه تسألين=إسأليني عن عيونك وخوذي جواب
الْعُمُر في وجَوْدِك زَهْرَة الياسمين=والعمر في غيابك قطعةٍ من عذاب


صح لسانك وانتظاري الدائم

 

[أكرم التلاوي]

عبد الله المجلاد


نص فاخر وزاخر بالجمال وهذا ما عودتنا عليه دوما ً
تفاصيلك الصغيره تمنح النص قُربا ً أكثر من أفئدتنا أو تمنحه ُ ما يـُقرب أفئدتنا إليه
جميل جدا ً إحساسك بما تكتب وجميل أكثر إعتناءك بإختيار القوافي

رائع يا عبد الله

لك ودي

 

[عقاب الربع]

" ياسمينه " من المزهر دائما : عبدالله سماح المجلاد
تُـقرأ .. و .. تـُـشم
عَبِقٌ دائماً ياعبدالله

 

[خلف المهيلان]

ابن مجلاد
ممتع وعذب تكتب شعر وهذا المهم
والاهم
شهادتي فيك مجروحه
وتعرف رايي جيت للمتعه فقط
ودي وغلاي لك يانقي

[/quote]