لـو تـعلمين ..!

[سلطان الوثر]

كالمعتادة , حكاوي

بيـن البنـات الطيِّبـات الحِسَانـي
ياليلـة الأيميـل يا بـرب يـا لـول



يا تيت ولكم بـاك داده ونانـي
إحْبِي على الكيبورد أنمول أنمـول



عمري هَدَر , شبّ الدهر في ثواني
ليلي وصبحي وَلج في خُلْج مغلول



ملّيـت والتمَّـت علـيَّ المحانـي
غضَّ النظر عن كل عنقا وعطبول



إلاَّ انتي الغيـدا عفيـف الغوانـي
رقَّاصة النرجس .. أنانية الطـول



ياليل ماتسجّـل دخولـه ( تهاني )
يبطي عليه الصبح ماسجَّل دخـول



ياصبح فيروز البحـر والأغانـي
ياطير سلِّم لي على غصنها وقول :



( لوتعلمين بْمَا أجن) * وغشانـي
أو تجهلين انّـي تجندلـت مقتـول



أمسيت مايمسيه الاعمـى يعانـي
مايدرك الأشواك والنار والـزول



مافتَّحت عيني على صبـح ثانـي
قلبي مع الجوزا معلّـق ومحمـول
إليك ..










إليك ياللي فـي مزاجـه دهانـي
مرتاح /مامرتاح/ فاضي/ ومشغول



يضحك بخدَّ الغند .. غرّه زمانـي
يجحد على كفَّ التحاسير هملـول



ماياوي عيوني ويعطـي أمان ـي
ولا يعتق العقل ويلحّقنـي هبـول






أ.هـ


































قبل الخروج , فقط نُصيص خارج التصنيف , ( صرِّفوه/بس خلُّوه يمر ) ..!





يابختك حـان ظهـورك
.. والجمهور كْثيـر كْثيـر


عطني دور وخـذ دورك
.. خلَّ اللي مايْصير يْصيـر


بس اطلع لي من طـورك
.. وادخل في طور التصوير


أنت النجـم وجمهـورك
.. فيه يحـب وفيـه يغيـر


وانت الغصن وعصفورك
.. طار وظل يْطيـر يْطيـر


لاتخاف يفـارق نـورك
.. ويخاف الظلمـا والبيـر


إكسر حاجـب مغـرورك
.. ومراياتـك والتفكـيـر


ركِّز في حلم زهـورك
.. واصحى لعيونـي بكِّيـر

لوتعلمين * : من صبحيَّات فيروز