الشعر الجماد

[فيصل الكردي]

خطوهـ أولى نحو قلوبكم . . .



هنا . . كان الشعر دمعه هنا ذكرى بقايا إنسـان

هنا موتي وميلادي وطريقـ(ن) مظلمـ(ن) مهجور

هنا كان الحزن صادق بقلب(ن) منكسـر هـيـمـان

هنا كان الشعر قصة غريبـ(ن) يائسـ(ن) مكسور

غيابك أتعب أحساسي وأنا أترجى الرجوع أحيـان

ولكن ماتركتي لي سوى عيونن تـمنى نـــور

سهرت أترقبك ليلي تعب مني السهر سـهــران

وحيد بأمسية حزني ولا غير النجـم جـمـهـور

وأنا إللي فيك أبحرت بمحيطات الشـعـر ربــان

ولأجلك حرك الشعر الجمـاد وصار فيه شـعـور

كذا رد الوفا يعني جزا صدقي معك نـكــــران

كذا يعني هجرتيني ولاكــني معــك مـأســور

قتلتي العاطفة فيني هدمتي حلمي إللي كـــــان

ونسيتي ماتذكرتي مصيره ذا الـزمـان يـــدور