ياحادي الحــزن اهداء لـــ محـمــد عيضــه

[أحمد موسى الغامدي]

محمد اعذر لي تقصيري

طعم الحنايا حديث الموت والنبره
تنسج من الغي نضره لاخر اوهامي

ويشيح وجه القصيد الناضر الخضره
للناضر الي يسّر الموت لـ آلامي

من كُثر هذا الجدال الي على كثره
يسيل لونه شفق في زرقة اقلامي

دوّرْتك (اعشا) يقود الصبح….. والـ (بُكره)
تستّل سيف التعب للشمس والهامي

خذني تقاسيم وانثر عزفها غُبره
في وجه هذ الحزين المُتْعِبْ انغامي

اول ملامحك صابر واخرك زفره
وتضيق حد المطر لاجفت ايامي

يامترف الحس لكن تلبسك حسره
وتمد يدك غموض لــ سيرة اكمامي

ما طاحت الريح لأجل الشمس منكسره
لكن تحث المسير لطيحة اقدامي

ما عاد بيني وبين اسهيل والزهره
الا مزاج الضما في كاسة الضامي

واحلام هذا الظلام اللي على الفطره
اغصونه السود تتوازا مع احلامي

استغفر الله طول الليل والسهره
تقتات خنصر غلاك لعضت ابهامي

يا حادي الحزن مات الشعر من فقره
وانته من النبض لين النبض مترامي

في ذمة القيل واكثر قيلنا صُفره
ان الشبابيك عطشا والمدى ضامي



""