من طوّع اجفان السهر في محيّاك
بين العتب والشوق يسري مداها
ليت الزعل يكفي اذا قلت ما ابغاك
لكنه ... اكثر .... ما يزوود عناها
أقصى مكان ابغاه يوم اتحداك
اكون صادق والوفا ما عطاها
حسرة .. تميد الدرب قبل آتعداك
وجسرة .. تهدّ إخطاي عما رجاها
عفّرت خد الحب في تربة ارجاك
واقبل يصلي فوق باقي خطاها
يا ما حجبت الشك عن وجه فرقاك
وينزاح في عين الحقيقه .. عماها
شفني وانا مابين فرقاك ولقاك
اضم روحي تحت قاسي ضماها
وازرع على جدبا جنوني بذكراك
لو كان تنبت ... قلت يالله عساها
جدبا على وهن الرجاوي تمناك
مثل السحاب اللي تحدّر هماها
تحياتي ،،،
سالم العامري
آخر المشاركات
07-22-2018, 11:21 AM
العتب والشوق
العرض الشجري