مايرتفع مغتاب لا صار يغتاب / بداح الشويّب

[بداح المطيري]

غريب والدنيا تجيبك مع اغراب
‎ " مره يخدمونك ، ومرات خادم "

مره تكوّن لك علاقات واصحاب ،،
‎ ومرات موقف "يصنع انسان نادم"

الناس واجد بين صادق وكذاب ..
‎ " وبين الصبور وبين نادم وعادم "

مختلفه العالم بها روس واذناب
‎ " لو كلنا .. نرجع لـ حواء و أدم "

ما حرك التفكير الا على اعجاب
‎ شوف السحايب في سماها ترادم

" مايرتفع مغتاب لا صار يغتاب "
‎ وماتنطوي صفحه على كف هادم

الاجمل إليا جاك يفتح لك ابواب
‎ واكيد في صبرك يبي يكون قادم

غيّر ليا شفت التغيّر بـ الاسباب
‎ مجرّد انك ؛ لا تواجه تصادم ..

الطيب بذره ، والاوادم من تراب
‎ والتجربه تحرث ، تراب الاوادم ..
#بداح_الشويب