السلام عليكم ورحمة الله وبركاته
قبل الدموع وملحها والمناديل
---------------------- وقبل الحنين ورجفته واندفاعه
وقبل تـْـزاحم بالمكان التفاصيل
---------------------- وقبل تْـــساوى ضيقته واتساعه
لا تشرهون إن طاح دمع الرجاجيل !
---------------------- ما كل عينٍ بالمفارَق شجاعة
موقف يغصب الدمع من عينك يسيل !
---------------------- من ذاكرك يصعب عليك انتزاعه..!!
والله مـ أنسى كلمةٍ هدت الحيل..
---------------------- في ذمتي .. ما قالها عن قناعة ..
قال : الوداع ونازعتني غرابيل !!
---------------------- وأومت بي الدنيا .. من أومى ذراعه .!
ما كنت أظن إن المفارق بهاذيل !
---------------------- إلين .. فلَّت دنيتي لي شراعه !!
ما كن لي صدرٍ تطارد به الخيل !
----------------------ولا كِن لي راس ٍ عظيم ارتفاعه ..!؟
تحطمت هقوات كانت قناديل !
----------------------تحققت أوهام .. كانت إشاعة !؟
لو الأماني لي عليها مداخيل ..!
----------------------حلمٍ عشقته .. مـ انكسرت بْضياعه
البارحة .. وادعته بتالي الليل
---------------------- الله وأمانه .. فج قلبي وداعه !
ناصر حطاب الدهمشي
.
06-01-2025, 12:29 AM
المواضيع المتشابهه
فج قلبي وداعه ..!
العرض الشجري