ورقة على رصيف !

[سرحان الزهراني]

,

تصدقين
ان الفرح مايوم بعدك زارني !
وان الدّموع .. اللي فـ ملامح خاطري
ذابت شموع !
وان الأماني بعد " شوفك " غادرتني ..
لِـ : الخريف !
وتصدّقين
ان السّوالف قاطعتني للغروب
وان الدّروب .. ماهي دروب !
وتصدّقين انّي نسيت .. " انّي نسيت " !!!
وانّي بكيت ,
لامن تذكّرتك .. غفيت !
وتصدّقين
ان المسافة بيننا .. باب وغدير
واسرار في السكّة تسير !
وان الحنان اللي يغرّد فوق روحك .. هو حناني ..
والأماني .. هي ثواني "
والثّواني شوفتك ,,

 

[سرحان الزهراني]

,


عرق صوتي ..
وحيد وظامي ومكسور ..
نبت في البرد بروازك ,
وما ملّيت !
أنادي لك , طفل يبكي .. يبي أمّه
ولكن ضمّك غرورك
ولا ردّيت !!
وغادرتك ..
تلقّفني طريق أعمى .. وباب وسور
بقينا اغراب !
أتنفّس مسافات الحنين , وتلتوي الذّكرى
أماني .. لو يحقّقها الهوى ليلة
أحبّ الشكر والعرفان !
ليالي .. كنتي اقرب من نفَسْ روحي ..
وفي الوجدان ..
ولكن صرتي الفرقا !
تنصّلتي من ادوار الغرام .. وصرتي الغيّاب !
على الهادي من الأصوات ..
أنادي لك فرح ليله .. واتلعثم بصوت الريح !
ويرجع صوتي الذابل كأنّه ليل
وانفاسي صدى تسبيح !
نبت بُعدك على خوفي ..
وصار الوقت لي .. تجريح
أدوّر طعم في صوتي .. ينادي لك
ولكن صرت ع الطّاري ..
ألملم كلّ أخبارك من الأصحاب
ومابه علم عن قلبك يـ أمطاري ,,
نسيني أو بقى فيني
على الطاري ..
سؤال ارتاب في صدري !
نسيتيني ؟!


نبت في الباب صوت ايدك مواعيدك أغاني ناي
......................... تهادت دمعتينٍ في / غيابك .. واحرقت : روحي
أنا يا نـور عينـي ما نسيتـك .. لو يطول / بكاي
........................ سكنتي في وريدي في دمي .. في صمتي وبوحي



/
\


رحلتي .. يا وطن !
واصبحت انا بعدك غريب ..
إنسان / بارد ! : أجرد الكفّين
عاري !!

 

[سرحان الزهراني]

,




وآآآآتسوسن !
لـ اجل إيدك .. تلمس أطرافي ( واغنّي ) :
( ودّي اكثر )
أكثر ............... أكثر !
لحظة انّك تلمسيني :
( كنّي اسكَر ) !!

 

[سرحان الزهراني]

[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]غنّي يا جـدّه فديتـك = وافرحي .. هذا الهلال
جاك عاني وسط بيتك = يطلبـك ودّ الوصـال [/POEM]

 

[سرحان الزهراني]

صباح الخير :

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black"]
صباحك ورد يالون الربيع .. وجوّي الممطر = صباحك فُلّ .. يا عطر السماء وشمسي وظلّي
صباحك عذب .. من شوفتك شعري صار يتمخطر = فديتك تحت أمر عيونك النجلا أنا كلّي[/poem]


sms من أحمد المطوع , أعجبتني .. فكمّلت عليها :
من يسقي القيظ :
بـ / عَرَق موعد .. ومن هو يجمعه ؟!
من يعتق الليل المسافر من عيونك للجفون ؟!
تعبت وآنا اتأمّله !
من يذرا في صمتي سنابل
من عيونك .. واتبعه !
تعبت كثر الأسئلة .. وانا الغريب اللي كثر لون الغروب
الصبر كلّه تجرّعه ..
أحبابي ذكرانا القديمة !
والمسافـــــــات .. / اشتياقي
والهروب / الأقنعــــة !
مـ اقسى من أخبار الفراق ..
في السكــــة شفها .. موزّعه !
رحمة .. هي أخبار اللقا ..
في الزحمة أحزان الورق .. كومة و ( نوت )
مقطّعه !

ياصاحب القلب النظيف ..
تشري همومي .. بالرّغيف ؟!


جنوبيّات :
( 1 )


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black"]
يا حالية قامة ويا زهر رمّان = يا ورد ندّى نديّة
جودي بوصلك مرّةٍ طول الازمان = واهديك قلبي هديّة[/poem]


( 2 )

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black"]
يا مرحبا واهلين يا كامل الزين = يا عود موزٍ تثنّى
في كفّتك ترجح جميع الموازين = روحي لروحك تعنّا[/poem]


خرابيط :
مع اوهامي
غفى هالشوق لعيونك .. ونوّمته
تعب قلبي من ظنونك .. وما لمته !


في الطريق لـِ المقهى :
قلت لعبدالعزيز المالكي : يا عبدالعزيز فكّنا ياخي .. ما أبغى ألحّن لك شي !
قال : تكفى يا عمر كدرس !
قلت : الله يرحمه .. لحّن ليلة خميس لابو نورة .. لا تتّريق !
قال : توّني ادري منك !
قلت : المهم .. شف لنا شي نسمعه .
قال : عندك في الدرج " سيلين ديون " .
قلت : الحين من عمر كدرس لـ سيلين ديون مره وحده ؟!
فتحت السي دي .. وقلت له : فيه أغنية Im-Alive ؟
قال ايه .. رقم 4
أوّل ما بدت تغنّي قال عبدالعزيز :
(( الله يخرب بيتها ..
يوم تفتح فمها أحس يطلع فراشات ! ))

( اليوم الثاني قرأت في موقع العربيّة انّ سيلين ديون دخلت المستشفى بسبب مشاكل في حنجرتها !!!!!!! )

في أعلى قمّة بمدينة الطائف .. كتبت :
حزين الطائف الليلة ..
حزين ..
ونام فـِ : الشارع .. كما المسكين !
حزين .. ودمعه المصلوب في صيف الفراق سنين :
كما التنّور
كما لون السجاير بـ اوردة صدري !
كما هالعالمين ..
اللي سمعتي صوتهم يبكون !
وعلى فكرة :
أنا وحالي .. وعذّالي
وصمتٍ مر في بالي ..
وهذاك النورس المحزون ..
نفكّر فيك
لو تدريـــــــــن !


- نص بيت .. وما أدري وش يبي :

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black"]
أنا في داخلي شاعر حزين .. وخارجي ذبلان ! = " .................................................. .... "[/poem]


مناسبة خاصّة :
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black"]
تقول مشغولة بتصليح .. شعري = يا ليتني ( التصليح ) ولا المشابك
ولا كريم الوجه .. لا صار يغري = بوسه .. وكل عروق قلبي تشابك!
فديت روحك .. يا حياتي وعمري = فديت حتّى كل ( دربٍ ) مشى بك ![/poem]


دعاء :
اللهم انّك ترى خوفي منك ..
وقوّتي بك
وأنت تعلم يا الله .. سرّي وظاهري
فاغفر لي وارحمني ,
ويسّر لي أمري ..

 

[سرحان الزهراني]

ورى هالباب .. آبْ !
ودمعتين .. وبنت .. عطشانه
سجينة , للسراب .. الموحش الغلاب !
ورى هالباب .. عمر , وضحكتين , احباب !

أفيق !
وكل ما حولي نبت فيني !!!
( وصرت اشجار ) !
ظمَيت ( انتي ) .. ينابيع , ورذاذ انهار
بقى فيني حنين .. وسِرّ .. حان القيه !
( تقيأتْ ) الفراغ بداخلي
واقفيت .. للتّشويه !
أسيرْ ..
أملى شقوق الأبنيه .. بالتّيه!
معالم تختفي / تظهر / تغيب
( إنسَيه )
حلاة الما .. وانا عطشان ..
الَينْ الحين .. مـ اسقيتيهْ !
دخيل عيونك الحلوين ..
روحي .. اسقيه !

جفاف .. وبردْ
وآكلنيْ .. كذا ع الحافّ !
بردت ولا لقيتك للعيون لحاف
وصرت أبرد !
وصرت أبرد !
وصرت أبرد !

مثل هذا الرّغيف الجاف !

 

[سرحان الزهراني]

( وانا جالس أخيّط بالي المشقوق ! )

إهمالي لك .. خلّى برودك .. ينتظرني ؟!
والفراغ ؟!
الفراغ اللي ورى صوتك .. بعد كلمة أحبّك ؟!
لحظة انّي .. كنت اصبّك !
في عروقي , و ارتوي ..
وانتي تزيدين العناد !
آتقهواني معك .. وانتي البعاد !!
وآتصبّر ..
آتصبّر لي متى ؟!
يا قوّ قلبك !
و انتي من بعد الفراغ اللي صنعتيه ببرودك ..
باردة !




( ............... )

قِل فراغ !
والفراغ أشْيَن من انّه يحتريني ..
قل تعب !
و التعب عمره طويل , أرْبَك سنيني !
ايش طيّب ..
شعر ؟!
غصب و الا طيب .. شاعر
ما كفاني الوقت شرّه ..
قلت يا حظّي .. " بَلَشْنِي " !
كيف اقلّب عين ما شافت عيونك .. ؟
وافـ / رفوف الذاكرة :
ذاكرة شابت .. بذكرى عاهرة !
قلت ادوّرني بـ / فراغك ..
واشتعلتك ليل .. بارد !
ليل .. يا عزّ الخوي ..
عطني سيجارة :


( ............... )

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]للهدوء .. اللي سكن كلّ الفراغات بـ/ كيانـي = للسما , للون الأزرق في الشوارع و البيوت !
فلسفة ! و اكتب مزاجيّة فراغ و شخص ثاني = اِنحدارات و صعود , و تيه في صحراء موت !
اِيْ مزاجي .. ما افتكرني غير انا و الا زماني = راح للرف البعيد , اوزيت همّي جوف حوت ! [/poem]




و قبل لـَ / الفرصة تفوت ..
قلت أموت ..
قلت أموت ..
يمكن القاني بدونك !!!!



( ............... )

جــدة .
16 ايلول 2008م

 

[سرحان الزهراني]

....................
"
ما هزّني غير البياض ..
اللي تعلّى شاربك !
ودّي اسألك :
جفّ البحر ؟!
ولا تحطّم قاربك ؟!!! ....... "


تعوّدت :
بالليل ترثيك الرياض ..
الحين ..
شِف .. تبكي الرياض !