" بُـكـــاءٌ على طلل "

[سعـد الوهابي]

بسم الله



وبعد :




أضع بين أيديكم هذه المتواضعة من الأرشيف . .


أتمنى أن تحوز على رضا النخبة في هذا الصرح . .

.

.

" بكاءٌ على طلل "
.
.


[POEM="font="Simplified Arabic,6,darkred,bold,normal" bkcolor="transparent" bkimage="" border="none,4,darkred" type=1 line=0 align=center use=sp num="0,black""]أمُر على الديار ديار سارا =لقيت ديارهم درس وقفارا
بعد ماغادروا الديرة وغابوا=لقيت البيت سافيه الغبارا
بعد ماكان ذاك البيت عامر=غدا خربٍ بعد ذاك العمارا
بعد ماكان مفعم بالحياتي=تحوّل من عمار إليا دمارا
سألت الناس ياوين الحبايب؟؟=على وين ارحلوا وين المسارا؟؟
فأشاروا بالإجابة نحو نجدٍ=عسى تُسقى من المزن الغزارا
عسى نوىٍ تخاطفنا بروقه=ورعاده يجلجل فـالزبارا
يهل المزن منّه في طريقه=ودرب ٍبه مشى حبي وسارا
والا يانجد جاك أغلى الحبايب=حبيبٍ له جمالٍ مايوارا
فمنه البدرِ يأخُذ كلُ حُسنٍ=وشمس الصُبح تلبس له خمارا
رهيفٍ مترفٍ صافي سريرة=خجولٍ بالحيا فاق العذارا
له عيونٍ كما عيون النداوي=وله مبسم يزيدك انبهارا
جمالاً يوسفي وزاده دلاله=وريحة نسمته ند البهارا
إليا من شافه الحمس يتبسم=ويرمي غترته راعي البكارا
ويزهر في طريقه كل ممحل=وتمحل من غيابه كل دارا
عليه أهل دمعي واتعبّر=واجر الصوت والونّه جهارا
على من راح مني غصب عنه=وفراقه وسط قلبي شب نارا
عليه الحزن تشكي به عيوني=ومن دمعي غدا بشوفي انحسارا
عليه احن واجرع له بصوتي=عليه احن واخّوِر له خوارا
على اللي من صغر سني احبه=واحب اهله وناسه والجوارا
وانا يوم المح دياره وبيته=يزيد الوجد في قلبي مرارا
يحيط الهم بي من كل جانب=مثل مايحيط بـالمعصم سوارا
لحاك الله ياقيس الملوح=على بيتين نذكرها صغارا
ببيتينٍ وصف شوقه وشوقي=وبيوت الشعر تبقى كالمنارا
"أمر على الديارِ ديار ليلى=اقبل ذا الجدارا وذا الجدارا
وماحب الديار شغفن قلبي=ولكن حب من سكن الديارا "
وأنا ياالعاشق المجنون حباً=أمر على الديار ديار سارا
لقيت ديارها تبكي عليها=ورسوم بيوتها تشكو انكسارا
ولقيت اشجار روضتها تئنُ=وتلهج باسمها ليل و نهارا
وحمام الراك يسألني عليها=وينوح بركن غرفتها عِبارا
ولا ألوم الديار ولا الحمااايم=ولا الوم الزهر فل ونوارا
ولاينلام من ينعى حياته=بعد ماغاب محبوبه وغارا
تضيع البسمة بوجهه وترحل=ويندب حظه العاثر مِرارا
ويعيش يقاسي ألآمه وحزنه=على ذكرى الحبيب اللي توارا
سلام الله على الذكرى القديمة=عدد مادار فُلكٍ واستدارا
وسلام الله على قلبي بعدها=سلامٍ يطوي الذكرى بـدثارا
[/POEM]
.

.

وسلامتكم


سعـد الوهابي