وجه المساء

[عبدالحميد بن ناحي]

[POEM="font="Simplified Arabic,5,black,normal,normal" bkcolor="darkred" bkimage="./images/backgrounds/7.gif" border="none,4,gray" type=2 line=0 align=center use=ex num="0,black""]غني معي جرح الشقا في سما الطير = دام المسا وجهه مع الصبح عاري
من كثر مانتي مقفيه دون تبرير = غبتي وانا لمفارقك صرت ضاري
غيبي ترى ماللجفا غير تفسير = تفسير واحد فيه جرحي وناري
كم لي وانا هايم بدنيا المشاوير = ابيع واشري واحترق في انهياري
اجيك عاصي عن يدين المقادير = يطول في سكة غلاك انتظاري
مجروح هايم مالقيت التدابير = حبك بدمي بالمعاليق جاري
واليوم طاب الجرح مالك معاذير = والجرح لاتفرح ترى الجرح باري
الربح عمري لو غرامك مخاسير = ويكفي على وجه الزمان اعتذاري
خلاص روحي لاتقولي وش يصير = والقلب بيدين القدر والمشاري
قولي وانا باقول مابالهوى خير = تدري وانا مثلك بالايام داري[/POEM]