مُتنفس .. شِعري !

[سليمان عباس]

شر في باطنه خير
وخير في باطنه شر
للصبر حد وضمير
الوصال احيان مر

 

[سليمان عباس]

انا هنا
‏يا ضايعه فيني
‏وشتتك العنا
‏أتأملك وانتي تناديني
‏وعيني تنظر بعينك حزن
‏وتقول لك ببقى هنا
‏حتى تلاقيني
‏ما بيننا شبرين خوف
‏والبرد ما طفّاه صوف
‏احساسنا يحتاج تطّمن وبس
‏ماضعت الا في حدودك
‏حاولي تلقيني
لا تذبل ورودك

 

[سعيد الموسى]

____
*

‏ليه ماتكتب غزل ؟
‏ماانت شاعر معتدل !
‏مثّل
‏- أكذب
‏- سلّنا !
‏أكتب
‏أسهب عنّنا !
‏ليه تسرف بالشجن !؟
‏حتى لو وضعك تـ .. !
‏وش يضرّك لو كذبت؟ وش بينقص لاانقتلت ؟
‏مو مهم إنّك نزفت - وش بيفرق لـ انجرحت !؟
‏خبّ جرحك " مانبيه "
‏- الله القادر عليه !
‏انت شاعر " سلّنا " - لا تضيِق تعلّنا !

 

[زايد الشليمي]

؛

‏
:
:
حنين
؛
جت حنين وابتدا عنها الكلام
كل واحد قالت جتلي يابعدي
؛
كل شيء بشكلها آخر تمام
وش اسوي في حلاها السرمدي
:
اشهد ان الزين صارتله امام
لو تناظر وجهها بس ،،تغدي
؛
قطفة الرمّان ،، وعيون الغمام
وامتداد الشمس والورد الندي
:
هذي عالم صار ،،داخلها ينام
لو بكت ثوره تقوم وتبتدي
:
الحلال بدمعها اكبر حرام
من هنا أطلق عليها سيدي

؛

:
زايد..
:

 

[سعيد الموسى]

_____

‏عليك الماء
‏وروح الماء
‏ومن زمْزمْك لاتروى
‏__ فدا : ياسيّد الغيمه ..
‏خطاك الخنجر - الأعمى !
‏وإذا هي طافت - بكمّك !
‏عساها فدوه " لهمّك "
‏عسى الله - يبتر القِلّه !
‏تعدّا صوفك - وخلّه !
‏تكاثر بي - تسنّدني - مادام الريح مختلّه !
‏واذا مرّ الحزن قلّه :
‏ترى "ماننكسر والله" !

 

[صالح العرجان]

‏‏من كـان حـبه صدق يتعب عشانـك
يـدق باب الـوصـل لو كـان مـقفـول !

 

[صالح العرجان]

حنا على قول المثل ناس سمحين
مانجهل الخافي و لكن نعدّي .. ؟!

 

[فيْصَل الصَقّار]

مطولها تسقيه لعبٍ ولهوى .....!
‏وتردم على المفواح ريح المعاميل"

‏وتقعد مزاج اسما يقوم يتقهوى
‏ويقطع نِفَسْهَا بُن ما خالفه هيل !

‏تسمع لريحتها ندا ما يترهوى ..
‏يعزم على فنجال يسوى فناجيل

‏ #بأنفاسها_تنتحر_العطور