Faris Mahdi

[فارس مهدي]

الكتابه حياة كامله
خطره أحيانا ً
لعبت بها كلعب الطفل
سعيد انني مازلت احتفظ بروح هذا الطفل ..
مقدمتي اختصرها

[فارس مهدي]

لافرق بين الكتابة والحياه

[فارس مهدي]

العز بالاسلام والحق باقي=رغم اختلافات الزمن والمطالب

[فارس مهدي]

29 / 4 / 1398هـ
بدئت اولى صفحاته ...
الصفحه 254.040
اتامل كل شي هو حولي السكان الماره السيارات الشوارع الورود الزهور الاشجار , سيغزو عالم كوكبنا الاكسجين والخضره .. ارصفه كراسي اغصان تظللها بورقها لا مكان للشمس .. الضوء من كل مكان الحياه ستتغير الى الافضل
اسوار المسجد تجمٌعٍ للصغار والكبار والداووين شامخه بالذكر الجميل والذوق والهيل .

الخريف : سياخذ حقه بالكامل .
الشتاء : ايضا ً ستثلج والبياض في كل مكان يترامي به الاحباب كبير السن لايمل وتلك العجوز تتغزل بجمالها وزينة اشجارها وشيطنة اياديها بوصفها للحب .
الصيف : السواد قد زال من كل شي .. ويبقى الضوء الونيس لا الحارق المسمر اللهوب السموم بين كل ذالك الجمال من الورد والاغصان المتدليه في كل مكان .
الربيع : كما هو اخضر باخضر .

كلما كبرت تمنيت انني صغرت وكلما صغرت تمنيت انني كبرت .
هذه هي الحياه بتناقضاتها تأقلمنا معها كالورد حين توفر له الماء يتأقلم ويعيش ..

[فارس مهدي]

امانينا تعود الارض لهل الارض
ويعود عرآقنا .. وترجع فلسطين الابيه
امانينا يعم الخير .. يطير الطير ويغرد
امانينا السلام يعم هالدنيا
من اولها لأخرها
ورف رف ياحمام وطير .. طير .. طير

[فارس مهدي]

دمعي من فراقك على الخد سايل=والهم من فرقاك ياعشقتي هم
ياكثر مبكي في فرآقك واطايل=جرح الخفوق اللي من العام ملتم
عودي ترى جرح الموالف نايل=رعشة خفوق ٍ ذاقه السم علقم
ياكثر ماودي بشوفك واسايل=عن جيتك عن روحتك واجهن غم
وارسمك ياروعة جنوني واخايل=واشوفك بعيني سراب ٍ غدى زم
عيني وروحي سيدات الأوايل=لوتطلبن ياسيدي قلت لك تم

[فارس مهدي]

مـشـيـت يــادروب الـعـنا لاخـر الدرب=ولــقــيـت شـوك الـمرحـله يحتريني



وقـفـت لاشـمـس ٍ ولا عـصـراً يـهــب=الا ضــلام الـليــل يـاخــذ يـــديــــني



وعـيونك اللـي لا وفــت مابهــا كـذب=يـاموجعه قولي اش بقى من سنيني



جـيـهـات ترميـني من الشرق للغرب=وحـــزن الـملا يابـنــت شوفيه فيني



ان مـاوفـــت دنـياي يـامـري الـعـذب=تـمـــوت لـحـظـات الامـل والحـنيني




وتبقى مشاعـر قـصتـك يـاأول الحب=روح ٍ تجـسـد وصـل بـيــنك وبـيـني



ياللي سؤالك يجرح القلب من قــلب=لاتـجــرحـيـن اللــي دفـنـتـه بعـيـني



بعض العقارب لا قرصت مابها طب=تـقــتل قـبل صـوت الفزع والونيني

[فارس مهدي]

لافاحت الذكرى بدلة سنيني=يفوح من نار المسافات هيله


تلقين كل اللي مضى يحتويني=متجرداً من فرحتي يابخيله


اليوم شوفي هالحزن معتريني=كم عام كم لحظه وروحي عليله


لك في حياتي شي مامات فيني=ذكرى الطفوله والليال الجميله


يابلسم الجرح القديم اعذريني=دخل العيون الناعسات الكحيله


بحروف من وهج الغرام اكتبيني=وعلى جناح احلى الغرام ارسليله

[فارس مهدي]

مدري عن جروحي وش اللي طرالها=في لحظةٍ والناس مرتاح بالها
جميع من في الحفل يحكي عن الفرح=وانا جروحي من شقاية طرالها
حبٍ سكن روحي لو انه لغيرها=حب الهنوق اللي بعيدٍ مجالها
سجيت عنها قلت يمكن نسيت=بعد العذاب اللي ذبحني ونالها
سنين عانينا من الحب والشقا=مراحلٍ ما يشرح الصدر فالها
مراحل فاقت مراحل قصايدي=مهما كتبت من القصايد جزالها
حاولت اجرب حب ثاني وردني=حب الهنوف اللي غرامي صفا لها
من لامني في حبها ما درابها=ولا شاف مضمون الجمال بجمالها
مزيونةٍ ما شافت العين مثلها=مهما حكوا بالزين تبقى لحالها
أيضاً وفيها كل شيٍ يشدني=طيب ووفى وإخلاص من وسع بالها
يا عنك مانت بشاكي الهم عندها=يكفيك عن كل المصالح قبالها

[فارس مهدي]

لوني بغيت انساك وشلون ابنساك=وانا وقلبي في غرامك مساجين
ماهي حسايف لا غدى العمر وياك=مادام مسكانك من العين للعين
حبيبتي دام اللقاء يدعم خطاك=تنور على وصلك دروب المحبين
وان كان قلبي من ضنا الشوق ناداك=تاكدي بأنك عنود المزايين
وان جيت اسولف بالغلا واتمناك=ازرعبك الدنيا وروود وبساتين
مامر ليلٍ ماسهرته بذكراك=وانتي احسك داخلي تستريحين
تكبر وتكبر في عيوني مزاياك=شي ٍ اشوفه فيك لو ماتقولين
ياعشقتي ياضحكتي كيف ابنساك=وانا وقلبي في غرامك مساجين

[فارس مهدي]

فرقت بين النون والكاف والصاد=وعرفت منها ماتخفى وما بان
لا تكملين القول ياضحكة اعياد=ياوجه طفله تبتسم والزمن شان
والله لونك ساكنه وسط بغداد= والا تحت قصف اليهودي لبنان
اجيك مايطري على عيني رقاد=وشلون انام وخاطري مابعد زان
يزود شوقي كل مالبعد بك زاد=وأضمى على شوفك وتضميبي احزان
حل السفر وانا لكم دوم نشاد=ابقى على عهدا ً خذيته من ازمان
احلام تبقى بين موت ٍ وميلاد=والمنتظر حاله يبوس ٍ وعطشان
اصارع ضروفي بهقوات واعناد=واليا انقفل باب ٍ فالله بيبان

[فارس مهدي]

رجل حكم العراق ..

وقائدا عربي مسلم .. وقف بوجه الامتداد الشيعي لخمس وثلاثين سنه
ومن ايام شنق .. بحسناته وسيأته
اخطاءه يعرفها الكثيرين وهي النقطه السوداء ..
الرجل في ذمة الله
وحسناته .. توارت معه في قبره ..
تهاتفت الاصوات بين مؤيد ومن لا يؤيد
والعالم بين مبسوط من الفرح ومبسوط بسواط الدبابات والطلقات ع الحدود

[فارس مهدي]

ياعلي ليتـك تحـس بجمـرة بالقلـب حيـه =تنشد الحال اى حال يسـر صاحبـك ومحبـه
تهت أنا ياصاحبـي والحـظ اومالـى رديـه =وين ابلقي من وصف مجنونة المجروح عشبه
رحت ادور بالخلا ضاع الصميل وضاع ظيه =لين ماظلم ظـلام الليـل والذيـب انسحربـه
قالها وبصوت وش جابك عسى منت الضحيـه =خفت لكن ماذبحنـي غيـر نظراتـه بغربـه
جاتصفح داخل القلب وعـرف بالنفـس نيـه =صاح ياويلي ياويلي مـن عـذاب مرشربـه
هل دمعه واغتمنـت الفرصـه بـروح فديـه =جيت اظمه ظمنـي ودمـوع عينـه مستكبـه
مدري الحظ ورداه اوعـرف اشيـاء خفيـه =قالهـا ثـم تـردد قالهـا صـاح وشهقـبـه
قال وش هي قصتك عطني تفاصيـل البقيـه =قلت طفل واهتويت وجرح قلبى ويـن طبـه
قال تبشـر والنوايـا ياولـد مهـدي مطيـه =ابشر بنـوف لهـا صيـت وروح مستحيـه
وكانها العشبه دواك ابشر بهـا حتـى المنيـه =لك رفيق ولك صديق منعرف مخلوق عقبـه
لكن اصح الناس وجروح خفيـه هـى خفيـه =الظمى يذبح وبعض هـروج هالعالـم مسبـه
قال انا اسمعلك ومغناك الحزن مافيه زيـه =غن ياجعـل الفيافـي سيلهـا يغـرق مهبـه
قمت اهيجن واطرق المسحوب بيـوت شجيـه =صاح من ونـه عذابـي اه ياحلـم احترقبـه
طحت من حزنى تلمست الثري رطبـه وميـه =من ظماى اشرب دموعي ليه حظي انعثربـه
قال انا حبيت مثلك جـرح واوجـاع سطيـه =ايه احـب وكـل مخلـوق بحبـه ينعذربـه
مير ذى هي قسمـه المخلـوق والدنيـا فنيـه =الله اللـى راد سبحـانـه وامـنـا بكتـبـه
السماء والارض ظلمي والصحاري موسميـه =جاء يسوق الحظ نوريرهف العقـل ورهفبـه
قالها الذيب السنافي جتـك وبـروح رضيـه =الله الله بالوفـي يـاخـوك حوراواعتنقـبـه
انذهلت من اللى شفته اجمـل الخلـق وهديـه =اتلمـس خاليف حلـم ومـع الايـام كذبـه
ماأصـدق ماأصـدق انتـى الجـرح ونديـه =الله حيه ياهلا بك بيتي بيتـك وانتـى قلبـه
يابعد وجه الكرم يـاروح حاتـم روح طيـه =السعد فالك وحزني يابعـد عمـري افتخربـه
انتي اغلي ماخلق ربي بشر واعظـم خطيـه =الهوي والحـب لوكيفـي انـا والله احتزمبـه
الغدير اللى بجاه البيـت نشـرب منـه ريـه =ذازلال القـاع ينبـع ادفعيـنـي واندفعـبـه
الترف والنـوق والخيـل وسيـوف مهنديـه =خضبى يدك انقشى اسمي على الكفيـن ندبه
واطرقي نهـج البدواهـل الكـرم والمقدريـه =وارسمي للعز طيب نحتفل بـه نحتفـل بـه
وألبسي ثوب الفـرح شـدى سيـر المعرقيـه =ولايهمك قول حاسد ياكل مـن الغيـظ تريـه
هذا كل اللـى اريـده زهرتيـن ومزهريـه =قالت ابشر يانظـر عينـي طلبكـم نلتزمبـه
قالت انه السالفـه لغـز وابيـك تحـل خيـه =وابشر بما حب قلبك والله انـي لحتفـى بـه
اظلمت ثم انورت حسيت وسـط القلـب كيـه =قالت المنوه منايـه لوشهـق اسمـك بحربـه
افتخرب بك بالعرب اقصد قصيدك مفخريـه =واسمع الحانك وفنك ومن سمع صوتك سجم به
هذا كل اللى اريـده عشـره الشرطـان ليـه =قلتها صاح الخوي وش فيك ياذيب اتعويبـه
اه يامصعـب قـرار تتخـذ فيـه السجـيـه =لكن الشكوي لربـي ماجفـل ماخـاف ربـه
لك قرارك خذ ببالـك انهـا اوجـاع مديـه =ذانصيبـك انكـتـب لــك اقتـنـع بــه اقتنع به
وساعة الضيقة تعال وشـب نـارك بالبريـه =وفرج همومك وتنسـي كـل هـم منغرسبـه
عشت انا وقتي معاهـا اجمـل ايامـي هنيـه =واجمل اللى محتفظ به شمعتين ومـي قربـه
ياعلي نـار توقـد ليلـه هـي سـر مديـه =من وجع حزني حرقت الكف واليمني بعطبـه
هالوصيه محتفـظ فيهـا اللـى يـوم المنيـه =اولى والثاني الثالـث الـى العاشـر واكبـه
هذا حالى وانت تعلـم حلـو الايـام العذيـه =هاك سري اعترف به للمخاليق اعتـرف بـه

[فارس مهدي]

عاودت ذكرى الولايف والجروح المؤلمه=وكل مافيها طفوله تايه عايش غريب
هذا جرحي كل مــــآزاد التهابه اكرمه=ماتنقض من بلاه ولا سلم منه الطبيب
مابقى في هالبشر شخص واحد افهمه=كل من حولي تركني لا رفيق ولا حبيب
مابخلت بطلبتك لي لكن الحظ اعدمه=قدر الله وافترقنا واقتنعنا بالنصيب
هذي الدنيا ضلام والدفاتر نضلمه=وكان كل شي بمكانه الا لحظات المغيب
صدقيني كل ماحولي ترى أقدر ارسمه=الا انتي آه يانتي لو رسمتك مااصيب

[فارس مهدي]

علميني عشق حرفك علميني عشق نوف=وعلميني هالكتابه وكيف تبنين الحروف
واذكريلي بعض خاطر عابراً للقلب عابر=كيف ابعشق كيف ابرسم عشقتي بأحلى الوصوف
وضحيلي لو ملامح عن اساليب المحبه=وضحيلي بعض حبك حرت انا بين الوقوف
ودي اكتب مابقلبك ودي اقرا مابعينك=ودي افصح مابقلبي ودي العالم تشوف
كم مضى من وقتي اللي عشت به هم ٍ وغربه=وكم مضى من عمري اللي عشت به حزن ٍ وخوف
يشهد الله مانسيتك لا ولا حتى جفيتك=من وعى فكري هويتك وانتي اللي بس اشوف
هالحزن مبطي بعيني وبسمة اشفاهي مروه=وكل ماشفتيه مني له نهايه يالهنوف
دام حبك هو رضابي مالحقك اي شك فيني=ودام حبك مارضى بي اتركيلي عشق نوف

[فارس مهدي]

العـــشق يابـنـت مــايــرحــــــم=هــــنـي مـنـــهٌ تـهــــــــــنــابـه
ودي بــجـــرح الـغـلا يــلــتــــم=والــهـــجريــفــنى مـن كــتـابـه
غــنـــيت جــرحـي بـه اتـرنـــم= ويـــون مــن حــر مــاصــابـه
ويــومٍ ســلــم راح مــاســـلــم=لاشــاف فــارس ولا احــبــابــه
عـــشــقٍ كتــبـته سـرى باـلدم =غـــنـابه الــشــوق غـــنـــابـــه
لاشــــك نــحـــلـم وبـه نـحــلم=والــنـفــس والـــروح طــلابــه
يــالــلـه يـالــلــي بـــنــا تـعـلـم=يــاغــافــر الــذنـب واســبــابـه
مـن خــوفــي الـناس تــتــكــلم=طــحـت ونــصـيــبـي على بابه
حــظـيـظ مـنهٌ لــهـا يــتـرجـــم=احــساســـه بـــروح خـــلابـــه
ويــتــوج الــحســن بالــمـبسـم=ويـسلـــى جـــروحـه ويـسـلابه
ســم الافــاعــي جــرى بالـــدم=غــصــبٍ عــلى الـقـلب يرضابه
ماقـلــتــله ياخـفــوقــي تـــــــم=مــكــتــوب لـي والـبخـت جـابـه
هــذي جـروحـي ولها الـمـرهم=تـجــرح تـــداوي وتــلـهـــابـــه
أســكـــت ولا اشــكي ولا اتـألم=يمــكـن يـجـي يــوم واهـــنآبــه

[فارس مهدي]

عــــنـــادي مـــايــنـاســب مــع عـنـادك=ولا حـــتـــى عـــنـــادك مــع عـــنـــادي
ودادي مـــا يــــشـــابـــــهـــك بــودادك=ودادك مـــأيـــــــشــــابـــه لـــه ودادي
ولا حــــتــــــى مــزاجـــك اومـــــرادك=يـــنـــاســبــني او انــه هـو مــــــرادي
انـــا مـــاهـــمــنــي حــتـى ابــتـعــادك=انــا فــضــلـت مــن مـبـطـــي ابــتـعـادي
وعــرفــت اشــلــون ابــحــرقــلـك فــؤادك=مـــثــل مـــ .. شـــعــلـتي الـنـار بـفـؤادي

[فارس مهدي]

وش غيرك يامحرق القلب صديت=نسيت منهُ بالغلا جاك كله
سلمتلك روحي وعني تخليت=والقلب هاض وزايد الجرح عله
يامابتعذيبي وهجري تماديت=وعلي سيف الهجر دايم تسله
واقول غالي لو عليه تغليت=ولون تعذيبك مهو في محله
مارخصك لا والله حتى ان تناسيت=القلب مايقوى على فراق خله
خذها عهد لوغبت لو رحت وابطيت=غلاك لا يمكن خفوقي يمله

[فارس مهدي]

جيت البحر اشكي همومي للامواج=اشكي هموم الوجد والبعد والشوق
عل وعسى يطلق سراحي بالافراج=وانسى زمان ٍ فات عاشق ومعشوق
كنت افتكر موج البحر يقرا الابراج=ويدري عن اللي زاده الهم والعوق
اثر البحر غدار مافيه مخراج=مايفرج الضيقات غير الذي فوق
اللي يعدل كل مايل ومنعاج=مجرى الرياح ومضهر الشمس بشروق
يجبر بقلب ٍ للمحبين محتاج=قلب ٍ غدى من بعد الاحباب محروق

[فارس مهدي]

يامنوتـي ياروعة احسـاسي كـفى=مقدر على هجرك ولالك من مثيل
سميتـني والجسـم ياروحي اكتـفى=بموادعك يوم الخفوق اصبح عليل
رعشة هدب والراس من دمعي صفى=ابكيتنـي وانا احسبك وافي خليل
وفيتـلك والمـوت لو قلبـك جـفى=مايرخـص الغالي كثيراً من قليل
ماجتـلي الدنيا عـلى كيـفي وفـى=الحظ عاثر والشقى صار الحصيل
ماخذتـها هقـوه ولا قلـبك رفـى=ببعـد وانا دمعي من الفرقا يسيل

[فارس مهدي]

أنت ياللي تبطي الصبه بفنجالك لــــــــحــــــــــاله=صب لي والا اترك الدله وابا كـــيــــف مزاجـــي
أدري انك لو تحاول في جـــــــــــنوبك مع شماله=منت صاير مثل ابن حــثــــــلين وعقاب العواجي
والحبارى اللي تــــــــــــــحاول ثنيها في كل حاله=صابها طيري ولا يمــــــــــــكن يداويها العلاجي
كل بنتٍ لا عــــــــــــــــــشقت رجال ما تدور بداله=والجبل راسي وانا مثل الجبل وانت العــــجاجي
ودي أبشرك لجل تعيش مضمون الرســــــــــــاله=لجل تشبع غيض مع شربٍ من الجم الهـــــماجي
وصلني مرسالها على النقى يا حــي فالـــــــــــــه=قال قالت قل لفارس حبه بالاعماق لا جــــــــــي
فارس اللي عارفينه من عمام ومن خوالـــــــــــه=لي شرف في حب راعي المرجله طلق الحجاجي
قالت وقالت كـــلامٍ يشرح الخاطر مـــــــــــــــجاله=والصحيح انه على وضح النقى ما هو مـــنآجــي
شفت كيف الفرق بين الروس عن ذيك الـــحثالــه=مثل فرق الحر الاشقر ما يوصف بالدجــــاجــي
والذلول اليا خذاها الذيب تامن في جـــــــــــــبالــه=وانت تفهمها حسب فهمك وانا طلق الحجاجــي

[فارس مهدي]

ارحمي قلب ٍ شكى كثر العـذاب=معمي عيونك عمى مدري رمـد
مدة ٍ وانا انتظر منـك الجـواب=كيف اقاوم يـوم قلبـي ماصمـد
شاب راسي منك رغم اني شباب=لي متى وانـت تقـول ونعتمـد
كل ماقفلـت بـاب تفـك بـاب=وان بنيت البيت من وين العمـد
نورك اللي صار من دونه حجاب=كان مشرق لـي ولكنـه همـد
مابقى للوضع غيض ولا عتـاب=يوم عينك صابهـا عنـي رمـد

[فارس مهدي]

الله عليك اش بقى من شان تقنعني=عطني وهات الجروح سلاح وجداني
نسيت مير الفكر بالذكر طمعني=وش جابك اليوم تنصاني وتنخاني
كتبت شعري وفني فيك طوعني=سيف ٍ مجاهد بحبك عاني فاني
وشرعت قلبي وباب الحزن شرعني=واغضيت طرفي سكت قلبي مع الساني
ماكنت اضنك بعد هالحب تخدعني=وماكنت اضنك بعد هالحب تجفاني
امسيت بلهام فكرك وانت ترمعني=واصبحت فارس خيال وحلمك الثاني
ياحيف جرح ٍ بكيته منك لوعني=وياحيف حب ٍ تملكني وخلاني
ارحل ترى مامنعني عنك يمنعني=حب ٍ اصونه بعزه ثم ٍ ايماني
بعشق الكتابه نثرت الآلام توجعني=فيها حياتي وروحي واجمل الحاني
صبرت والحمد لله فيه جمعني=ملاك واغلى البشر عوضني احزاني

[فارس مهدي]

ادري بغرامه يذبح القلب يا سعود=خصٍ الى أبطى بالغياب وتونـى
تشتاقله لو منت مشتاق وبـزود=وتحن له حـن الخلـوج وتونـى
الناي يجهش بحتـه رنـة العـود=وصوت المطر ايقاع والرق تحنى
مرات أصدق هيجنة راعي الذود=ومرات أقول من الفضا هو تغنى
تأخذني النشوة واهيجن بلا قيود=واسمع صدى الاشواق ذوق وفنى
أكتب وتقراني مخاليـق وشهـود=واللي ابي ماهـو عسيـراً معنـى

[فارس مهدي]

تايه ولا لي من احد غريب في دنيا الشقى=شقى حياتي ياوفاء نار ٍ كوتني بدنيتي
الحزن والهم احتوى في خافقي تايه وفى=مجروح وجروح الزمن صارت عذاب بغربتي
انا الغريب بدنيتي عاشق ولك موتي دنى=غنيت حزني لك وله وافراح عمري لعشقتي
انت الامل انت الوفاءانت عذابي والمنى=لوعة غرامي ودنيتي انت مناي ورغبتي
ليت السعاده للابد بعيش في دنيا الهنى=بحزانها وهمومها مهما تكوني بلوتي

[فارس مهدي]

الله الله يوم قلتيلي تعال= انتهض حظي من الفرحه بكى
ان شكيت الحال يذبحني السؤال=وان سكت الموت فيني مارضى
يالله اني طالبك سحر الحلال=ومامضى وش حيلتي فات ومضى
الليالي ماتهاب اللي يشال=بين طرف العين واهداب الضمى
اعترف ليه اعترف دام المنال=مات والحاضر عصمني وارتوى
طيف يقتلني بسيفه والمحال=لو طعني بالخناجر ماوفى

[فارس مهدي]

تعالي نرسم الفرحه تعالي=تعالي يابعد عمري تعالي


أنا ماصدقت عيني تشوفك=أمانه لا تخليني لحالي


تعالي نطوي الماضي ونرسم=أمل يبقى على طول الليالي

[فارس مهدي]

ماهو طرب يوم اعزف العود يابنت=ولاهو غلى مغناي لو شلت عرضه
هذا وانا من جرح غيري تكونت=وشلون ابطلب من عزى الغير قرضه
جيتك اسلي مسمعي لين مالنت=كلي وبعضي واكثر الحزن فرضه
غنيت جرحي والوفى مات واعلنت=وطير السعاده ماعرف وجهة ارضه
ولولا الوفاء اللي في عيونك تزينت=مالي ومال الفن طوله وعرضه
بك تفتخر كل القصايد وهيجنت=والشعر لجلك زان نظمه وقرضه
هذا وفاي وبالغلا ماتهاونت=ولاجل الغلا شلت اعذب الشعر عرضه

[فارس مهدي]

اود ان افتك سر هذه الحياه


اريد ايضا ان اراك ِ ملهمتي البسيطه الانسانة الراقيه بهذرلوجيتها وسمفونيتها اللتي نبعت بالفطره ..
انسانة ينبهر منها القمر تتساقط منها النجوم شظيات كسيرات ٍ تصتدم بجماجم نجوم ونجمات .. بعضها ببعض ..
تلتهب امعاء بعضها وتغص بعض نكهات الغيوم ..



...



في الأمر واقع وحيره
وكل ما قلت ابتدى.. تأخرت وقلت خيره

انت واقع
وللأمر دافع


....



اغفو على سياسه
واصحو على سياسه
الا يوجد يوم طبيعي

....


الشعر .. الفن

كلاهما مكملا ً للأخر

[فارس مهدي]

كل طيب له سواليف وحكايا
تبسط المطنوخ والعفن يتضايق

[فارس مهدي]

ياسائلاً عني من القلب قايله=مبسوط لاخر شي جتني رسايله
فيها الدفى وقت الشتاء والسماء ديم=وفيها براد الروح صيف ِ وقايله
ياعنك ردت شي ماكان به رجى=من سابع الصعبات فكري يخايله
انا نويت وهي على طول وافقت=نمشي على وضح النقى مانحياله

[فارس مهدي]

تريتره ..
اسطورة سمعتها من ايام تُردد على شفاه طفل (( جتك تريتره )) .
راحت تريتره وجت تريتره تريتره اكلت فلان وارثعت بقوم فلان في صغري اسئل نفسي دائما هل يعقل ان تكون تريتره حقيقه ليست من نسج الخيال هل يعقل ان تكون هناك انثى بشعه بمثل تريتره (( بشعه )) كبرت ووجدت تريترات ابشع ..


لأنو مثل مافي تريتره فيه تريتر

[فارس مهدي]

طيري كفخ رفرف الجنحان=معه رساله لمحبيني
مضمونها العشق ياراكان=وسوالفٍ عن نظر عيني
تدري وانا خافقي مالآن=لنت وغصب عني الليني
الحب عذروبه الكتمان=لا صآر طاهر ماهو شيني
وانا عشقت وحبيبي بآن=من اقصاه لدناه مشقيني
عجيب نظره عجيب اعيان=عجيب مبسم عسل تيني
الليل لا لفني بردان=أدور النجم بيديني
القى القمر صاحي وسهران=ما نـام يرقب محبيني

[فارس مهدي]

بعض الاحيان اشتكيلك
حس يآخي طالبك تكفى دخيلك
لا تخليني بهمي ..
واقسى .. واجرحك ..واندم

[فارس مهدي]

تقول شنهو واصرخ أركض وشنهو=مدري وش اللي هي تبي لكن اركض

[فارس مهدي]

ياقلب قله هاني ومابه خلاف=احسن من اول وبحياتٍ عذيه

[فارس مهدي]

تسئلني بلطف وبراءة محبين=عرفتني والا الى الحين ناسي

[فارس مهدي]

حبيبتي

كل .. شتاء . .. لك ... مزاج


وهالسنه انتي مزاجك غير

احبك .. بكل . . حـالا تــك . . .

[فارس مهدي]

عـــلـى مــواعـيـد الامـل جـيـت لافــــي =بعــطـيك مابـاقـي من أيـام عـمـري
وأهديلك اسمى احساس من قلب صافي=تـــنسـج بها أمال المواعــيد بدري
طـــبــعــي كـذا اعـشـق ولا اقـدر اجافي=وش حيلتي لامن نسى الصير صبري
يرضـيـك يــبقـى عـالـم الـحـب خـافــــي=يكفي ترى ماضهرت عذرك وعذري
ياما صـــرخ جـــرحــي بـقـولات كـافــي=مــع كــل هذا جـيـت ماكــــني ادري
اما خـــذيــنـي عــاشــق ٍ دوم وافــــــي=والاأهجري وانسي سهامك بصدري

[فارس مهدي]

صباح القنابل صباح الجرايد اللي تغث وتجيب الهم هذا طخ وهذا انطخ صباح مر علقم .. صباح اليعربيه .. ياحبينيلك يالغتناصرتي كسوووووووووووووور وشظايا ..

حتى في لغو الهنود صرنا ننطق ماتقول
النتيجه مره ..

مشكله في كل شي دخلاء حتى في القهوه والسكر ..

[فارس مهدي]

ان كان طبعي تغير وانعرف تارس=هذا دليل الشقى وانتي بديتيها

لا تزعمين الوفاء اصبح ترى طارس=مابين ايادي بنتها ثم هدمتيها

ولا تحسبين الغلا يجيبها اغتارس=الحكمه اللي سمعناها سمعتيها

ماكل من ياصل القمه ترى دارس=واكبر دليل ٍ مشاعرنا قتلتيها

ياللي غرورك لك الله مارمى فارس=منتي رموز الحياة ولا ملكتيها

صحيح احبك ولكنك مثل وارس =كل يوم في لون ٍ ابهت وان غمرتيها

برد الشتاء يذبح الطلاب والحارس=والا شعور الدفاتر مابكيتيها

[فارس مهدي]

يوم شفتك صابني رهبه وخوف=والكلام اللي بقوله ضاع مني


احسب انك هي وابطيت الوقوف=الله اكبر ياوصف ٍ ذكرني


في ملامحك البعيده روح نوف=وفي ملامحك القريبه خاب ضني


انعمت عيني وانا عيني تشوف=من غلاها كيف خفاقي يحني


تاهت افكاري وضيعت الحروف=التزمت الصمت والصمت التزمني