سكّة ( الريل) ..!!
 

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
السالفه ماهي بفزعة مشاعيب = عشان نعرف من تردّى ومن طاب

ولاهي بحب خشوم ومزارقة طيب = ولاهي بطلبه عند عكفان الأشناب

أمرٍ قضاه الله في ليل والغيب = لو نعلمه ما كان نسعى لـ الأسباب

لا يلحقك شكّه ولا يلحقك ريب = ماني ورى عثرات الأجواد طلاّب

لا ضقت من حاجه نصيت المراقيب = وحشّمت نفسي عن ملاغاة الأقراب

مابي علّي الناس تمسك مقاضيب = ولا بي عليّ من البشر ينفتح باب

والهقوه اللي عقبها يقنب الذيب = ماهي بجوع ولا بها نبرة عتاب

ماغير هزّه شوقه يجيب ويجيب = وأنت الله اللي معتقك كل ماجاب

طابت علومك ما يقرّب لك العيب = وأنا عن أذنك بـ أحرف الهرج لـ ذياب

ياذياب مرّ الريل في سكّة الشيب = لا دق نجر ولا حظينا بترحاب

ضيوف جينا وأنكرونا المعازيب = أقراب فالسهله وفالصعبه أغراب

يا ذياب يمكن مخطي ويمكن مصيب = مدري ولكن كن ماحولي أصحاب

( الذيب لا منّه عوى جاوبه ذيب ) = وإلا الغراب إليا نعق جاوب غراب

لكن ترا ياذياب ما من مواجيب = من يوم شفت الحمّره تفرس بناب

نويت والنيّه على وجهي أغيب = وإليا نشدوا عني فقل خاطره طاب [/POEM]





ـ الشطر بين القوسين للشاعر (ذياب العسكر) .


إحترامي للجميع

صح لسانك يانواف
ابدعت وامتعت شاعر متميز
تكتب القصيدة لترتقي بالشعر

دمت متألقا

نواف التركي


الشعر يفخر بك .. ويشكر أمثالك ممن يرتقون به

قصيده رائعه ... يسعد صباحك

:)

نواف التركي / يامساء الورد


نواف / يكتب الشعر بصدق

تكاد حروفه أن تكون حفراً في وجه الزمن


احب أن اقرا الشعر عندما يحكينا شعراً


وتبقى شامخاً كما أنت

ريم علي

صح قلبك

شاكر لك حضورك الجميل

دمتي بخير

نواف التركي

يكتب الشعر.....شعر.

ويخرج لنا بهذا ..... الشكر..

ليجبرنا بالوقوف هنا طويلا"

دمت يا شعر