[صالح العرجان]

المشاركة الأصلية كتبت بواسطة خالد صالح الحربي

*
صعلكة على إثر بندر بن سرور ..
ولكن بأقدامي النّحيلة أنا ، لـ "أبعاد والأبعاديين" فقط.
________________________________________

القلب: صندوق الرّهاف القواطع
___ والحال " مشذوبة" ولاهي بديرة ..

عيّنت من هو راح ماقال راجع ..
___ وعيّنت من هو طاح ما قال خِيرة ؟!

على رصيفٍ تتقيه المواجع ..
___ على وحيفٍ من خيولٍ مغيرة .

غنّيت وأوردتي جسور وشوارع
___ والأرض في عيني بحجم الشعيرة

الورد ينبت في شطوب المدافع
___ ذخيرةٍ للي يدوّر .. " ذخيرة "!

قلت: المدى ردّت صداي المدامع
___ قلت: الندى لقيت مومس ستيرة!

أيّوووه ؛ يوم إن القزَم صار فارع ..
___ وأيوووه ؛ يوم إن اللّزَم صار عِيرة ..

واللي يضِلّ الخلق له ظِل شافع
___ واللي يبِلّ الحلق / "ملعون صِيره ".

وأنا اليدين اللي تمنّى الأصابع ..
___ عليّ دين وحرف جرّ .. وجريره .

جريرةٍ .. ماهي رديّة مطامع ..
___ لكنها في حجم "شبه الجزيرة ".

غنّيت يوم إنّي بحاجة لسامع
___ والسرّ ينده " أنقياء السريرة "

يامن يغنّيها بمحراب جامع ..
___ وإلا يرتّلها.. بعد كاس بيره !

وأنا أخاف الله ؛ وبالله طامع ..
___ مثل بدويٍ ضيّع الله : "بعيره".

وقّف على إطلال شِعر المطالع
___ متجاوزٍ مشطور شاطر شطيرة

ولا لقى من دون الأحلام مانع ..
___ حتى وديناره مع الغشم ليره

قولوا لليلى في هذيك المرابع ..
___ إنه على لاما "قَلَمْه وصريره".

صندوق قلبه من رهافٍ قواطع
___ وليا تعثر قال بالأمر : خِيرة!

🌹

الورد ينبت في شطوب المدافع
___ ذخيرةٍ للي يدوّر .. " ذخيرة "!

ابو وطن

انت شاعر تقي لا تعرف الا الشعر لله درك

تجي ومعك بحر المعاني يعجز السابح الغطاس باستخراج لولك ومرجانك