البارحه
البارحه مرّت عليّ
ريحة سواليفك معي
وضحكة مباسمك اللي ياخذ توتها قلبي
الى أخر حدود اللا وعي
البارحه كنت الكلام اللي نبت في خاطري
وكنت الحمام اللي سكن غصنه وطار
كنت الاغاني اللي الاحقها بصوتي
وتستقر بملحها في ناظري
البارحه كانت رياح الذكريات بلاعقل
فيني تهب / وتعبث بجمرة تناهيدي
اللي منّك تشتعل
البارحه كل شي فيك اشتقت له
وشوقي ترى حملني مالا احتمل
محمد المغضي