ولمّا الليل ناولني.. ظلامه بوحشة يدينه
ذكرت الصبح في غصن الرماد / وطاحت دموعي
حزين اسأل تفاصيلي .. عن الماضي وعناوينه
وعقرب ساعتي يمشي/ لبكره ويلدغ ضلوعي
في قلبي تيه يتمادى / ويعبث في شرايينه
في روحي ../حزني العاصف /يحاول يكسر فروعي
على كل السهر اعتب ../ واشيل احلامي من عينه
واتأسف من عيوني عساها ترضى برجوعي
نزفت الصمت/ والواقع تلاحقني سكاكينه
واحاول احمي اقلامي ..عبث / واوراقي دروعي
مشيت وشارع احلامي.. خنق شوكه رياحينه
وطيبي من كثر خوفي.. حضنّي وهدّا من روعي
واخذني الشعر من نفسي / الى غابة دواوينه
ورتّب غربتي فيني.. عشان يدوم ينبوعي
ومن وادي الى وادي / أهيم وازرع بطينه
حكاياتي /معاناتي /ظماي وعشقي وجوعي
حضوري.. من رسم وجه الغياب/ وبروّز سنينه
بياضي اللي تنفسته.. طفى بانفاسه شموعي
فقدت كثير من حولي.. لاجل شعري وشياطينه
وانا ارقى سلّم حروفي و..اواصل رحلة طلوعي
ولكن للعمر لحظه ../ تغير في موازينه
وتاخذ مني احلامي وتسرق لحظة سطوعي
عشاني../ قلت خليني .. اساير قسوته ولينه
عشان اعيش لاحبابي.. ودمعي يسبق ركوعي
آخر المشاركات
03-14-2022, 12:32 AM
وجه الغياب
العرض الشجري