[جمال الشقصي]

\

لو تكوني يا خديجه
:
:
ساس طايح
أو تكوني عطر بالفجّار فايح
هاتي دمّك
قدمي القربان لي من نهد أمّكـ
والله انه يغسل التربه المجيده
يعلن الأرض الجديده
ولو هو سافل،
ولو حكوا لك بانّه المهره العطيله:
يااااه لو تدرين كم هو:
عن كذوب النسل جافل!!!
صدقيني يا خديجه:
ما يصالحني أحد
ولا يقاربني أحد
ولا يخالطني أحد
ما يناسبني الأصيل مْن القبايل..
قرّبي من مفرشي
بعت أنا دلة نسايبنا على مرأى القوايل
هاتي الكاسه الأخيره
والذخيره
والفناجين الأثيره
كلها تحت أخمصي دربٍ جديد
ما يوصلني سوى لليل الاحمر
والنخب والعزف والرقص (الصقيل)
ارقصي لي يا خديجه بلا هواده:
واحدٍ راحت بلاده
وش يشوف بكاعبك غير الوطن؟
غير النخيل؟!
هذي هي أرض النخيل!!
:
يا خديجه
:
فيكـ أبهذي بلا حدود
الشعِر ما هو لسان
ولا القصيد المُتعَب بظني أمان:
وجيت أشخبط لك حكي
بالوعي مو متّكي
جيت أقودك من أزاريري إلى كذب الوجود!

/