\ صبحيّة التكوين /

[جمال الشقصي]

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

:

أبا اكتب علّ مزلاج الغلابه يفتح التكوين=ولا تقوى السنابل تطعن بصبحيّة الفلاح
ذريت مْن الورق قشر الكلام الحافي العنّين=تشتّيت.. وفلت سرب القطا من قبضة التلواح!

:[/poem]

 

[جمال الشقصي]

:

يا غشيمه..
يا هوى نصّاب..
يا بحّه قديمه
يا عشيقة جار في ذمة ثلاث!!
تعرفي من هي بناته
تعرفين بأي مفرش غرفه الليله مباته!
كنت من باب الشرود
أصحى للحاره غريب
لا حدود
ولا ضواحي تاكل الأطيان دود
يا غشيمه
للعمر هايم على ذكرى قديمه
ما بغيتك للشبابيك الورق
ولا مسا ناعس بوجناتك عرق
كنت من باب الشغب
آتمشور خطوتين صغار تنفضني تعب
لا بغيت كحالك الطاغي تميمه
ولا ترقبتك نديمه

يا غشيمه
يا هوى غلاب يا (دقّه) قديمه..
الهوى ما هو برضاي
جيتي بغلطة قدر
ورحتي أوفى من علاقاتي الحشيمه..
يا غشيمه!

:

 

[جمال الشقصي]

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

:

أنا ما جيت أبرر لك خطا البارح قصايد زور=وصلتك غايم بشوق الحواري الطين يا نوره
من أغوار الغياب/ مْن النهار المنطعن بالنور=حملت اللي تبقى من دثار الصبح وطيوره
بقى لي دفتري المتمرد المتناثر المبتور=على ارْصفة السنين آبا انثره لاجل أدفن حضوره!
خبا جمر الحنين بداخلك والا اشتعل.. معذور=أنا جيتك نهارٍ في عيوني منذبح نوره

:[/poem]

 

[جمال الشقصي]

:

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]لو للنهار عيون من طلة الشمس=ما اتوهّمَت بالخبز كفّ الغلابه
أشد ما في العمر ما هو شقا النفس=أشد ما في العمر بخل القرابه![/poem]

:

 

[جمال الشقصي]

"

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]قولي لهم يا فاطمه.. سافر هناك=لآخر ديار احزانه المستبدّه
عايش ثلاث سنين يبني بشباك=ويزرع ورى الشباك ميلاد جدّه
قولي لهم لولاك.. لولاك.. لولاك=ما صافحت يمنى التعابير يدّه
بديت احس بطول سلمك وفرقاك=ان القصايد دونك حروب ردّه!![/poem]


"

 

[جمال الشقصي]

"

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]لا تجين.. ومنذبح صوتي سكوت=لا تروحي.. قبل ما اتطمّن عليك
لو فرضنا قلبي نخيل وتموت=ما يموت النخل باسفل كاعبيك![/poem]


"

 

[جمال الشقصي]

"

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]مصابيحي الاثيره يا متاهات الشوارع.. ليش؟=وانا المحتاج لبلادي قبل لاشعل مصابيحي!
غباي اني مشيت برغبة الحافي للقمة عيش=وقفت آبايع حقول السنابل.. وآكل بريحي!![/poem]


"

 

[جمال الشقصي]

"
[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]على حفا المكتوب واشواك الاحلام=وصلت خيمة وردتي يا اوحش البيد
وعرفت كيف آشب من عنق الاقلام=شمع التعب واضويه حفلة اناشيد
طال الرجا بالشمس.. واشهرت الانسام=صبحٍ يصالح سور مسلم وعربيد
يا رحلة ايمان ابتدت شك واوهام=عاركت لاجل اوصل بها الحق تشريد
حتى هنا.. واوصدت بابي بمرجام=ورى الضجيج اللي شنق رزحة العيد
تكاثرت بالصمت غرفه من عْتام=على فحيح الناس.. واسطورة الغيد
وتقدر تقول بهامش العمر لاعوام=بعثت لون الموت في لوح تجريد!!!

[/poem]
"