[نهار بن ممدوح]

[poem=font=",7,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
مايهزك ياجبل صلف الهبوب=شامخٍ ومعانقك ياحلالها
ولو حسبنا للنجاح وللرسوب=مازرعنا يالجراد غلالها
والشجر يرجم اليا جاله حبوب=وتجمعه سمر الدبا لعيالها
والعرب لاجالها (فاسق كذوب)=اتبيّن وتعرف مدخالها
لايجي مطلاعها كله نشوب=ويحصل شيٍ يكدّر بالها
وانت ياللي يعتري وجهك شحوب=نيّتك ماينعرف وش حالها
لاتلمّح بالمجالس والدروب=وانت تدري منهو اللي قالها
واحدٍ كله على الشعر محسوب=مثل ماقال المثل يبرالها
والرجوله ماتحددها الجيوب=الرجال نقيسها بافعالها
نشتري عرف الرجال اللي تنوب=بالشدايد وافيٍ مكيالها
والشمالي صار له صدر الجنوب=بعد ماتضرب عليه امثالها
كان ذنبي طيبتي حي الذنوب=وكل نفسٍ تنوزن بعمالها
وكانها بالشعر والا بالحروب=كل هاذي شاربٍ فنجالها
هقوتي ماهي عن الفرجه هيوب=مهرةٍ صفرا وانا خيّالها
والقصايد وصفها غيدا لعوب=لا المحتني طوّحت في شالها
هاجسي عن عشقها عيّا يتوب=وحالفٍ اني غير اطيب فالها
موهبه من عند علام الغيوب=ما درسنا هزلها وجزالها[/poem]

شعر / نهار بن ممدوح