حـادي الشـوق

[نهار بن ممدوح]

[poem=font=",6,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياقو قلبك كيف ماهزّك الشوق=وانا عليك الشوق بــيـّّح كنيني

اورقت لك شيـح وخزامى ورقروق=وازهر عليك من التوجد حنيني

محتاج لك واحسني حيل مخنوق=ماتدري انك بالحياه أُكسجيني

احسّ بعدك داخلي شي مسروق=رده وانا مسامحك دنيا وديني

والله لو انت بضاعةٍ داخل السوق=كان استوت لي واصبحت في يميني

بس انت مخلوق ٍ ماهو باي مخلوق=مافيه منّك بالبسيطه اثنيني

واحد وتنظر ساير الناس من فوق= واللي يبيك تطق له بصبعيني

مالك شبيه ولانت بالحسن مسبوق=من رقم واحد لين رقم اربعيني

عليك صبري جرّحه حادي النوق= اقاومه لكن عليك يحديني

(ماهو صحيح ان كل مطرود ملحوق)=شفني وراك ولاتحلّتك عيني

وشلون تطلب مني ارتاح واروق=وانا على لاماك تصفق يديني

القلب طير وشيمة أجداده سبوق=وإلا عليك من الوله مبتليني

يطلع على طاريك ويفوع ويتوق=ويردّه سياج الضلوع المتيني

وابل غيابك ضاق به كل معلوق=عجزت افسّر ماتسويه فيني

مااقول انا ذاتـك منزّه عن العوق=اقول بكره كل شيٍ يبيني

واذا تبي تشره وتلحقني حقوق=اشره على شكي وسكر يقيني

انا دخيل الله عن الهجر والبوق=وإلا ظروفك لا تلاشت تجيني

وان كان خايلت بسما غيري بروق=ماهوب انا اللي يتبع المنـتحيني[/poem]


شعر/ نهار بن ممدوح

 

[سعد الجميلي]

لاشك في ابدااااع نهار فهو شاعر جميل ويكتب الشعر برقي الفكر


دمت هكذا شامخا بالابداااع

 

[عبدالعزيز الرقابي]

آبيات رائعة أستمتعت بقراءتها
وجعلت من الشوق شعرا ً

نهار بن ممدوح .. ابدعت

 

[سالم الجهني]

هذا هو الشعر في هيئة الانسان / العاشق
نهار لله درك

كن بخير

 

[صالح الشملاني]

خطير .. يانهار
صح الله السانك يشاعري الجميل !

 

[بدرية البدري]

نهار ..

وان كــان خايـلـت بسـمـا غـيـري بــروق

مـاهــوب انـــا الـلــي يـتـبــع المنتـحـيـنـي

صح لسانك ..

ورد

 

[نهار بن ممدوح]

سعد الجميلي

اسعدني تشريفك الجميل


لاهنت

 

[عطاالله ممدوح]

القلب طير وشيمة أجـداده سبـوق

ـــــــــ وإلا عليـك مـن الولـه مبتلينـي

أمام هذا الشعر

الإلتزام بالصمت يكون أفضل ,,,

صحت أنفاسك يانهار الشعر