أكرم ، النص جدا جميل و صدقني أنا متأكدة إنك تقدر تبدع ..
شفت عبارات جميلة تدل انك عندك القدرة ..
امم انا ماني ناقدة و يمكن ماعندي ماعند جدتي .. حتى ما درست الأشياء هذي
و لكن إذا تحب تاخذ مني كلامي شي يفيدك فأنا أشوف اول شي قبل كل حاجة حاول قد ما تقدر تتجنب الأخطاء الإملائية الشائعة ، عندك : كل ما : المفروض كلما ..
و عندك الغير مرحب : المفروض غير المرحب ..
طيب انا إيش وجهة نظري في الأخطاء الإملائية : تحدد مستوى ثقافتك ..
عندك إسهاب في الوصف بس الإسهاب لو ما أتقنته رح يضعف كلماتك ..
يعني حاول أنك خاصة لما تكتب نص نثري .. اقرأه مرة و مرتين و 3 وانت في مختلف الأمزجة .. كل مزاج لك تقرأ فيه رح يعطيك نظرة و بعد للنص و تقعد تعدل إلين توصل انك تقرأه كذا مرة و ماتلاقي انه فيه اي شي يتعدل
وقتها رح تلاقيه نظيف تماما من أي شوائب ..
و إذا انت تحب تكتب بإسهاب أنصحك تقرأ للمنفلوطي لأنه رائع في هذه الناحية
و أتمنى ما اكون ثقلت عليك / ماعندي شهادة ولا شي يأهلني اقول الكلام هذا لكن هذي وجهة نظر وانت لك حرية القبول و الرفض