[شيخه الجابري]

[POEM="font="Simplified Arabic,5,blue,bold,normal" bkcolor="transparent" bkimage="./images/backgrounds/15.gif" border="solid,4,gray" type=2 line=0 align=center use=ex num="0,black""]وأنا وحدي وتمر الوقت ونار الخوف وأحلامي=ألملم صورة الذكرى و"أفسل" نخلة الصدمه
وأنا وحدي على عذق الخيال ولهفة الظامي=أزرّع قمح لحظتنا ..يضيع القمح ف العتمه
قهر وأمضي على جثة عطر وآخربش عظامي=أحس الأرض تترنح بفعل الما عَرِف "شَسمَه"
رميت وما رميت إلا زعانف وقتي الدامي=عسفت وماعسفت إلا بقايا دنية ٍ عَسمه
وأصبّرني أقول :النار أكيد النور قدامي=وأتخشّش هنا وهنا وآخِرت الدروب الـ..مَه
يذوب العمر وأيامه تخبّى داخل أنسامي=كأن هذا يشل هذا ..يصير اللا ّفَرح قسمه
يا متعوّد تأطرني بطرف الأزرق الطامي=وأنا أفرفر تعب،وأكسر من أطياب الوله زحمه
على ماذا تنافسني؟ على حزني والآمي؟=يا خِي دوّر على حاجه تكون أجمل ومبتسمه!
عشان اللي إذا شرّع غلاه وصار مترامي=ترفرف زفرة ضلوعي واسمّي إن هَما باسمه
أعاهدني أبا أتحنّى هَيام ويابس أيامي=أكيد انها على موعد رصاصة لحظة الرحمه!
وأصير الطير والذباح والمرماي والرامي=خليط من العذاب اللي معتّق يوووه من إثمه
وعلى ذكر القطاف وناحل الأوقات والهامي=يصير إني أغيب وما أغيب ولا أنبس ب كلمه
يقولون الصبر مفتاح باب الضيق وحزامي=وأقول إن الصبر عوقي وأصر من العنا حزمه
فكيف أصبر وهاذي النار تحرق طُهر أقدامي؟=وكيف أصبر وأنا أصارع جفاف العمر وأقسمه؟
على الليله،على البارح،على القادم من أوهامي=عساي أقدر أوزّعني وأصالح عمري وخصمه
معي دفتر بدوّن له من أجمل عزف أقلامي=وأحفظها في دستور الوفا منهج من الحكمه
وإذا كانت عقارب ساعتي هي حلمنا السامي=أبا أوقّّف عقاربها إلى أن تمضي الأزمه !![/POEM]

ذاكرة النص :السادسة من صباح الجمعة
9 فبراير 2007