[بثينة محمد]

مخاصمك يا قلبي ومش راضي عنك
يا ريت كان بإيدي ولا اتبرى منك
***
تحب المحاسن وتهوى الجمال
وتعشق يا قلبي وتبني الآمال
وعشقك مذلة وحبك خيال
سقيتني مرارك كويتني بنارك
ولا حد غيري ايشيل همّي عنك

***
لسحر العيون تسلم سلاحك
وفوق الشجون بتحضن جراحك
وع الجرح دايماً بتطوي جناحك
دنا ببكي عشانك واهوّن هوانك
واواسي وأقاسي عذابك وحزنك
***
يا قلبي كفاية وتوب عن هواك
ما دام الحبايب بترضى ببكاك
ما فيش حد منهم بيرحم أساك
ولا حد واعدك ولا شفت سعدك
ولا حد ايواسي عذابك وحزنك