[محمد الغشام]

:

من علمك :
تقسى على نفسك ..
تقسى على قلبك .. على احساسك .. على صدرك

لاتشهق الكذبه ..
وترحل عن بقايا الأمس
لاتزفر انفاسك..
وتنسى وش بقا للشمس

ظلك عليّ البارحه سولف
.. ولكن ماعطاني فيْ ..

قلّي انا ..؟
محتاج لك ميْ ..
قلّي انا ..؟
ماباقي ٍ شيْ ..

جرحك وطال به السهر لو مانْدمل
... ... ... قلبك : عسى ماينجرح لو هو علي
جيتك وفي بعضي جراح ان مَ أكتمل
... ... ... خذني بقايا الطيش من هذا الـْ ولي

من علمك :
تقسى على نفسك ..
تقسى على قلبك .. على احساسك .. على صدرك


قصّه جراح الغايب القاسي
... ... ... قصة سهر يا جارح البسمه
ما لامس الجذع الطري : فاسي
... ... ... دام الأساس انته وكل حلمه

من علمك ترحل
وتقسى من عنا نفسك عليك
من علمك
دام الحكي قاسي ..
تجرح صدور الناس واولهم يديك
من علمك ..