[شهيق ورده]

ودّي أفهم !

ليه ذات [ العيد] ننْهَم !

ودّي أفهم ..!

ليه غصن التّوت

بعد زهر الصبا :

طاقية الإخفا

ولعبة تُوووتْ تووتْ

يذبل او كما قال الظما فينا

[ يمووت ] !

ودّي أفهم !

باب هالعُمدة

ومزلاج النوايا

ليه انحنى مفتووح ..!

وقهوة تفوح

تحت ظِل اليتامي

و سلسلة مَرْجُوح ..!

ودّي أفهم !

بس عطِي منِّكْ شويْ

عيدنا بارد وأهتم :

ليه صدِّكْ فيه كيْ ؟!

منْ [ ثرى ] صدْري افْبلادي

حتّى [ وادِيْك الأمين ] !

منْ يمين إليا يمين ..

مابقى فالصبْر جُنَّه

ومابقى فالعيد ضيْ

ودّي أفهم

يا حلاو العيد قهْويني إبْ ذِيْ :

الي كانتْ تمسح أطراف الحكي

بصدق وبكي

لمّا آخر عيد غشّاني التعب

غفيييتْ و صحّاني عتبْ :

ليه فجر العيد ما كبّر

وانا مزحومة أتبخّر

ولا لك طِيبْ

ولا صبّح نهارالعيد

ولا بي طِيبْ

وأشواقك تتْم بعيد

ظُهر هالـ عيد .. ! كبّر

وفات الـ عيدْ !