[عادل الظفيري]

عالم مجهول يجهله من لم يعيشه

الإهداء إلى كل من في بلادي:

الفقراء

الأيتام الضعفاء

المعلمات المغتربات في بلادهن

الشاب الجامعي العاطل عن العمل

البطانة الفاسده من المسئولين

كل عسكري يقف حارس عند بوابه

كل كريم ياتيه ضيف ولايستطيع إكرامه

أهل القصور الفارهه

بنت جنيف

][poem=font=",6,limegreen,bold,italic" bkcolor="transparent" bkimage="" border="ridge,10,red" type=1 line=0 align=center use=ex num="0,black""]

بنت عز ومسكنك قصر بجنيف = ودي أفهم كيف صرتي معجبه

معجبك صوتي أو الحظ الكفيف = يوم ضفتيني بإيميلك ياهبه

أو تظنين الحزن عالم ظريف = مفتقد عندك وأنا من يجلبــــه

الحزن يا آنسه حسرة رغيف = حلم لأيتام .. البطــــانه تسلبه

الحزن خريج نايم عالرصيف = ينتظر تعيين والفقر أتعبــــه

الحزن بنتٍ أهلها في طريف = عينوها بالحفر متغربه

الحزن رجال في رتبة عريف = يحرسك وأنتي حقرتي منصبه

الحزن شعبٍ جهل معنى مصيف = يحلم يسافر فرنسا براتبـه

الحزن فقر عرفنا فيه حيف = بالشعر خلا التسول موهبه

الحزن لامن لفا للبيت ضيف = كم جرح هالضيف قلب معزبه

الحزن .. صعبه أوصف لك وكيف = شارعٍ مظلم خلي بس أتربه

الحزن حلمٍ حلمنا به مخيف = منه حتى الخوف قصرك جنّبه

الحزن فصل السنه كله خريف = وأنتي فصولك ربيع ومعشبه

آه يابنت الحشم ماني خفيف = تعشقيني كذبةٍ وين الشبه

نظرتك من فوق لأي معدم عفيف = نظرة اللي واطين فوق عتبه[/poem]