صوتيه (( رفقة الطير والداب )) إهداء لسارقها

عادل الظفيري · 04-14-2007, 10:43 PM

عذراُ للغياب فلكل شئ أسباب
إلا خيانة الأصحاب
الأهداء إلى صاحب ولكن!!!

http://www.ue11.com/folder1/almenhaly_HRgCKEECFC.rm

[POEM="font="Simplified Arabic,5,white,bold,italic" bkcolor="black" bkimage="" border="ridge,10,red" type=1 line=0 align=center use=ex num="0,black""]
أستودعك ياصاحبي خاطري طاب= طفش رفيقــــك من زيـادة عتابه
طبعي كذا مخلـوق واللـه له أسبـــاب = منته علــى اللـه والـــيٍ في حسابه
إن كنـت ناوي بالمفــارق لـك الباب = خـل الصـــغيـره لاتـــدوّر طلابه
عــاشـرت بالدنيـا قريبين وأغــراب = منتــــه بآخر من نوانى بغيابـه
ناظـر بقلبي من المعانـاة منعـاب = لازلــت أضمّـــد بالحنــايـا صوابـه
كنـــــّي قـــريـت الكون في صفحة كتاب = فيـه القلـم ينهـار عنـد الكتابه
عمرك سمــعت برفقـة الطيـــر والــداب = يامـن تظن الـــروس مثـل الذنابـه
مانـي بطايح كـل مازدت بغيــاب = الكون واسع كل صــدره رحابـه
مبطـي أقول الكـون خالي من أصحاب = دامه مضى عصرالنبي والصحابه
تعبت أراعي عشرةٍ كلها ناب = تنهش قفا الغايب وتطلب ثوابه
ياللي تصف الهرج بأسلوب جذاب = تبدي السؤال ولا تعرف الإجابه
نفسك تموت إن ماحصل يوم تغتاب = وإن قلت به مليون عيب تهقابه
ياشين تسع سنين عرق الحيا شاب = والذيب عود للعوا والمجابه
بأجي لحالي وأنت فزع لك أذناب = وأوعدك أوصّل روحكم للسحابه
وجر الربابه مايسمّى برباب = فهمتها وإلا (( نجدد ثيابه ))
ولاتحــســب إنــــي لاتيتــّمت منصـاب = عمـر الرجل ماكان عـزّه قرابه
كلّي فخـــــر بإنّي من النــاس منهاب = يوم أنـت تجهــل ويش معنى المهابه
وإن كان ظنك بأفقدك فأحسب حسـاب = يكفيك ذكر إسمك أعــدّه جنــابه
[/POEM]
عادل الظفيري وريث الجرح