النوم كُثره زفت , من راي دكتـور
حتى السهر كثره مضرٍ بالاجسـام
الليلة هـذي , جالـس الـف وادور
وابعتمر بكـرة وناقصنـي احـرام
ممكن انام واصبح ب..شمس وفطور
وممكن اموت بوسط نومي والاحلام
الليلة هذي قلت باسهر عن شهـور
الليلة هذي قلت باسهر عـن اعـوام
صمت العمارة لاذ في صمت ديجور
صحّيت جاري , قلت : سلّفني افلام
وافق بشرط : الفيديو يكون بالدور!
وافقت بسّ بشرط : انا اشوف قدّام !
الهام شاهيـن احبطتنـي بهالـدور
الهام هـذي مستحيـل انهـا الهـام
قلت الوطن حضن واحاسيس وشعور
واثر الوطن : مطبخ وصالة وحمّام
دنيا على قرنينها يوقـف الثـور !!
صدّام طاح وطـاح تمثـال صـدّام
اليوم حلمي اصبح انسـان مشهـور
وبالامس حلمي البس شمـاغ بسّـام
سكّرت فيديو , وابتهالات مسـرور
سكّرت عيني والستايـر والاحـلام
مانمت رغم اني عرفت اطفي النور
وامّي تقول اللّي طفا النور بينـام!!!
...
الله يونسك ياعبدالمجيد مثل ماونستني ههههه