[موضي]

أنا والتنورة في صراع أبدي على سالفة الكوي ! أجلس وأجلس كنها تتكوي روحها وإلا أقول في خاطري مافيها ذيك العرافيط إللي تسوى مهوب لازم يسقم العيد بلا حنّا همن ماش أنا دقيقة في لبسي للتطرف فاروح أكويها وأنا منكستن على قروني .
طرحت هالسؤال على قروب صديقاتي :
وش الحل مع كوي التنورة ؟
1 ) ياختي تراتس تعذبين عمرتس تكوينها وهمن تعرفط مع الدحوسة في النقل
2 ) البسيها وأنتي مغمضة
3 ) ياربيييييييييييه مررررررررررررة دقيقة
4 ) سطري المتسوى هههههههههههههههه
5 ) خلي الشغالة صدز مشقيتن بعمرتس
6 ) عندي الحلّ وأنا بنت أبوي ، جيبي تنورة من أمهات عشرين إللي في طيبة والبسيها الفجر وهمن لانزلتي للمدرسة افصخيها وألبسي الزينة بس عاد خلي الزينة عند راتس لاتنسينها هههههههههههههه
7 ) تصدقين إني مرة قمت متأخرة ولبست التنورة على علّو البجامة تخيلي ورحت ههههههههههههه
عاد هناك الله يرحم الحال لو تجين في قميص روز عادي يعني عاااادي لاتعرفطت هناك عادي
( كم مرة قلت عادي خخخخخخخخخخ )
8 ) الجواب صعب لأنه منتس هع

قررت إني ما كويها عناد فيهن