موت مُعتاد
نَص لـ/ نور سالم
بلادي لا يجي باكر وحنا نتيـه
بباكر ونتأمل لو تجينا بلاد
تعبنا ندخلك : نُخرج ! وأنتي ليه ؟
خرجتينا من الداخل وصرنا بعاد ؟
عشان الحلم ؟ قولي حلمنا وش فيه ؟
عشان الوعد ؟ خونينا ونجي ميعاد
عشان الرزق ؟ اخذي صحننا امليه !
عشان الأمن ؟ ارمينا ونطيح اوتاد
لنا ضيق ٍ من الضيقة يشد ايديه
لنا صبر ٍ من ثيابة خرج ما عاد
لنا صوت ٍ تكوّر في سكوته فـِـيه
لنا حزن ٍ تكّفن دمعتيـــــه حداد
/
بلادي والبقى فيما بقى باقيـــه ..
من اللّي ما انتهى من موتنا المعتاد