[نادرة عبدالحي]

حزين بحفلـة الأفكـار والدخـان والشاهـي
ـــــــــــــــــ وحيـد وأعبـث الأفكـار لفيتـه ودخنـتـه
..
غريب ولا أمطرت غيمة سماي إلا من اشباهي
ـــــــــــــــــ ووبـل ٍ مـا تلـوّن بـي تبلويتـه ولوّنتـه
..
كئيب ولا نبت بارضي سوى أشجار من آهـي
ــــــــــــــــ ثمرهـا لا قطـف فمّـي تعوّذتـه ولعنّـتـه
..
وأرتِّل بردي بفقدك خشوع وترجف اشفاهـي
ــــــــــــ وأناجي عشق من طهره به آمنـت وتآمنتـه
..
وحديث الإفك وإحساس ٍ قذف خافِقْك باللاهـي
ــــــــ قبل ما يخونني إحساسي كفرت بصدقه وخنته
..
تعالي نُسْقِط المحضـور والتحذيـر والناهـي
ـــــــــــ تعالي بعد ليـل ٍ فـي صبـاح النـور كفنتـه
..
أحبك وأبغض ظروف الغياب وعذرك الواهـي
ــــــــــــ أحبك كثر ما يطعن خويـي ظهـري وصنتـه
..
أحبك كثر ما صدري غدا بحرمانـي الراهـي
ــــــــــــــــ أحبك كثـر مـا صوتـك يخدرنـي وأدمنتـه
..
أحبك كثر ما الجوري حكا عن خـدك الباهـي
ــــــــــــــ كثر شعر ٍ معك يفرض من أول بيت هيمنتـه
..
كثر ما كنتي فبالي كثر ما كنـت بـك ساهـي
ـــــــــــــ أحبك والخفي أعظم مـن اللـي عنـك بيّنتـه

بقلم الشاعر عبدالله ثويني المانع

ويا ليت الإلهام يزوركم هذا المساء وتلقون على الديار وأهلها السلام
كل عام وأنت وأحبابك وديارك بألف ألف خير
نادرة