[فلاح المزعل]

,






{ الأهداء لـ قلبه الفاخر ! }


لا صار ما للدمع رادع
وكل ما حولك ظلام
والي اسقانا المواجع
أسدل عيونه ونام !

كانت الضيقه أكبر
وصارت أكبر !
وفي عيوني كان يكبر بي حطام
وبلا اجابه
رحت اتسائل بـ نفسي
هو حبيبي صرت فعلاً لي محال ؟

ما اصدق
قلب أحيا به يروح
وكيف أصدق
دامي فـ غيابه جروح
دامي أغرق
والبحر حظ
والمركب أنا
والقدر دامك فـ دربي عن وجودك حال !

لا تسأليني بعدها
عن يا ترى وش ممكن أبقى ومن أكون
والليل دامه في غيابك
يلبـس من العينيين لون !
والشقا
بعض الي بقى
من دمِ على دمعِ يُسال !

{ صدقيني }

[POEM="font="Simplified Arabic,5,firebrick,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الصبح عادي وان طلع يشبه الليل = قلبي وعيني فاقداتك يا راحه !
العين ماها كنّه السيل وتسييل = والقلب يحصي ما ندر من جراحه
ما عاد به باقي ولا عاد بي حيل = والي بقى ما عاد به من فلاحه !
سابع سنين القلب ضحك وتعاليل = واليوم قلبي ضاق فيه انشراحه
من وين ما صَد النظر شفت تعليل = لأكبر حزن عايش في موطن مراحه
طيفٍ يمر وطيف باقي وانا اشيل = حلم الحياة ولا قويت الصراحه
وش عاد لو بنثر من الورد أكليل = لو مر عام من الدموع اجتياحه
والوردة الي من تلّمستها تميل = عذري فراشِ وان رحل في مناحه !
عطرٍ يطيب وقلب فاخر ومنديل = تحكي تفاصيل العنا واكتساحه
وان كان به شيِ على كان ما قيل = هذا عنا نفسي وهذي جراحه[/POEM]


فلاح المزعل