[محمد بن شتير]

/



/


صوتيه
http://www.ab33ad.info/up/view.php?file=1b04a13d34

:

:

لا عاد تسال وش جديدك ؟ و وش صار ؟
ناظر عيوني وانت تعرف جديدي ..!

لو مرك اللي مرني ،،، كان تنهار
واللي يعبر عن شعوري قصيدي ..!

دخلتني في عالم(ن) كله أسرار
ما ادري وش اللي منك بيفك قيدي ..!

طالع من الجنة و رايح على النار
يا دوب ينبض في غيابك وريدي ..!

طير الفرح من غبت للحين ما طار
و طاري الحزن بعدك معبي رصيدي ..!

ما طار لك غير الدعاء عل الأمطار
تنبت عن الوحشة زهر فوق بيدي ..!

لو يأخذون الناس علمي و الأخبار
تساوت أحزاني مع يوم عيدي ..!

صديت عنهم من ورى بـاب و جدار
مسجون من خلف السياج الحديدي ..!

تستنزف أعصابي مع دمي الحار
لكن شعورك باتجاهي جليدي ..!

تقسى و لك حشمة و قيمة و مقدار
و الحب يجبرني اناديك سيدي ..!

حرام أحبك و أنت بالحب محتار
و الحب ماهو شي بيدك و بيدي ..!


محمد بن شتير


للجميع مودتي