نخلة أحلام..!

[محمد بن شتير]

مشتاق لك يانصفي المهدوم
ابترك الغالين و اقرب..!

احس في صدري( كثير هموم)
حتى عن اقرب شخص متغرب..!

لا تنصدم من عزلتي ( ملزوم)
خلك على فرقاي متدرب..!

ودي اجرب غيبتك ( كم يوم )
واعطيك رايي بعد ما اجرب..!

/


/



خطوة بخطوة يالطريق اللي رسمتك في الخفوق
مشيت فيك وقلت للباقين ( ممنوع الدخول) ..!

متوكلًا بالله و راكب لي على خيلاً سبوق
و عزمي يسابقني على خط النهاية للوصول..!

صديت اهيجن بالشعر و العب على كل الطروق
ما كان قصدي اذهل الشعّار و أصحاب العقول..!

امشي بدون اوقف و نفسي مالها عندي حقوق
وادعس على هرج المقفي لو يقول اللي يقول...!

و اللي بداء من اسفل السلم يبي يوصول لفوق
و اللي بداء من عالي السلم مصيره للنزول ..!

ما احد يحس اللي احس ولا يذوق اللي اذوق
مهما ملكت من المحبة و المعزة و القبول..!

يا نخلة احلام العمر، وين التمر؟ و ين العذوق؟
انتي حصادك والله انه ما يجي ب/اربع فصول..!

وين انت ياللي كل ما خايلت في عيني بروق
صورتك في عيني تجي بين الغمامة و السيول..!

مبطي طفى نجمك بعيني من قبل وقت الشروق
وينه صباحك؟ ما بقى بي للسهر قوة وحول..!

عكست عقرب ساعتي لأجلك وانا قلبي شفوق
والمشكلة ما عاد باقي في يدي و ايدك حلول..!

راحت ثلاثين العمر ما بين تنهيدة و شوق
ما ادري وش اللي تستفيده من عذابي لو يطول..!

يا ليتني حكمّت عقلي قبل قلبي لا يتوق
هاذي نصيحة واسمعوا ياللي تعنون الخيول..!

تنبهوا لقلوبكم و النبض من بين العروق
قدامكم مليون عاشق روحوا تحت الرجول..!



للجميع مودتي

 

[سليمان عباس]

الله الله الله
لوحه شعريه تسابق الخيل والنخيل في العطاء والنصح
جمالك شاعرنا محمد لا يختلف عليه اثنين

صح لسانك

 

[سعيد الموسى]

و اللي بدأ من اسفل السلم يبي يوصول لفوق
و اللي بدأ من عالي السلم مصيره للنزول ..!

_______

لطالما أمتاز شعرك بالحكمة يامحمد ، هذا البيت يُقاس في كل شيء
كنت وستظل فارق يامحمّد بمبادئك المتجلية في شعرك وبسهلك الممتنع وبعذوبة مفرداتك
قفلة النص : كانت حكاية مختلفة .. مذهل يامحمد
شكراً لك

 

[سيرين]

كيف لنا التحليق لآفاقها
ونحن غرقى إبحاراََ بين قوافي نور وبذخ فريد من الشعر والابداع !!
شكرا شاعرنا الالق كما تليق بكل هذا الجمال والروعة
مودتي والياسمين

\..

 

[عبدالعزيز محمد المالكي]

نص جميل يامحمد

 

[خالد الرويلي]

رائعة ابدعت

اخي محمد

تقبل مروري

شبل الشمال

 

[هجرس البدر]

جميل أخي محمد

 

[عبدالإله المالك]

أحسنت شعرا رائقا يا محمد

حييت