[جمال الشقصي]

:
:
:

بطاقة شخصية جداً
:
:

(شاعر)


[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
أنا يا صاحِبي شاعر.. برَغم أنفْ الحكي والقاف=أموت بْساع لا صار البقا في يوم للأجْوَد

خَذِيتْ السالِفه لاهي.. وصرت أشْطَر مِنَ العرَّاف=وانا من سيرَة الشاعِر.. على بُعْد السّما وابْعَد

أسولف بالوَدَاع.. أحلى سوَاليفي مع الأصْداف= سُوالِف فارس ٍ مهزوم يـشحَذ سيفه المُجْهَد

سُوالِف هامِةٍ ياما.. بكـتْ في قبضة السّيّاف= سوالـف شعرِةٍ بيضا.. لفتني صبْح يوم أسود

سوالِف عاشِق ٍ ملّت طِريق أسنانه.. الأكتاف!!= سُوالف لِيلةٍٍ حمْرا.. وكيف.. وكاس ٍ.. وموقد

سوالف زهرةٍ قالت: ترى كِثر الكلام إسراف = وانا من يومَها بالصت.. عِشْت أيامي الأسْعَد

أجي والصبْح يفضحني.. قضيت الموعد اللي طاف..= وانام.. ولا ضُوَاني الليل يضوِيني على موعد


أنا يا صاحبي شاعر.. ولكن خارج الأعراف=على صدر الشعِر.. ما لي مع أرباب الشعِر مقعد

أعيش بْعالمٍ عاقر وأرحام السنين عجاف=واموت بْساع لا صار البقا في يوم.. للأجود[/poem]

:
:
: