معدل تقييم المستوى: 108
صور منوعة .. ( الزرب بطريقة البدو )
.. .. مساء الخير اليوم جبتلكم صور للزرب طبعاً مو أي زرب الزرب معروف انه يجي بحفرة بالأرض ... إلخ لكن هذا الزرب فوق الأرض وكان البدو يستخدموه للتوفير فقط لأنه لا يحتاج إلى معدات وما شابه أترككم مع الصور والتعليق أول شي بنجيب كمية بسيطه من الحطب أو كيس فحم والأول أفضل طبعاً .. والعدة المطلوبة بسيطه جداً تنكة زيت زيتون فاضية نص كيلو رز ملح وبهارات بريق شاي وعدتو سيخ عشان نغز فيه الجاج طنجرة لطبخ الرز والطنجرة اللي لقيناها مناسبة هي تبعة الكيك عشان مخزوقة من النص بننقع الرز شوي بعد ما نغسلو الدجاج رح يكون بهالطريقة مغزوز بالسيخ ومحطوط بوسط الرز يعني فوقيه عشان لما يبلش الجاج يستوي يسير ينقطعلى الرز بنحط التنكة فوق الجاج والرز وبنحط فوقيها حجر زي هيك بنولع النار ويا ريت لو تكون بعيدة شوي عن التنكة عشان اللهب ما يحرق الجاج لاحظو كيف وبنعاير الوقت بحيث يكون من ساعة إلى ساعة وربع ما يزيد ع هيك والنار ما تكون كثير قوية وما تكون ملزقة بالتنكة شوفو منظر النار بعد 40 دقيقة كثير بسيطه يتبع