[خالد العنزي]

مساء الخير
٠
٠
اعتذر ياللي تحبون القصيد الراقي
لي سنه والنفس عن نظم الشعر منسده
٠
اتلمس وش اساس المشكله باعماقي
ولا لقيت اللي يفسرلي سبب هالصده
٠
ماتت الرغبه وكفنت القلم باوراقي
والقريحه في عزاها توها بالعده
٠
أن بغيت اهجي ردي. يزعل علي الباقي
وان بغيت امدح كفو. يمكن يصعر خده
٠
وان بغيت اكتب غزل. عيت تطيع اخلاقي
وان بغيت اكتب فخر. اخاف مااطلع قده
.
ضاق في عيني مداي وحوصرت افاقي
والقريحه خامله. جاها كسل بالغده
.
غير مجدي قول حسادي ولا عشاقي
كلهم واحد مع فرق العدد والعده
.
ادرجي من وين ماهب الهوا ياساقي
ماني مضيق عليك أرض الله الممتده
.
ماعرفت الشعب هذا بالشعر وش لاقي
دامنا نفس الكلام نكرره ونرده
.
القصيد أن مااحتوي إبداعي واشواقي
اتخاسر فيه حتي الحبر والمسوده
.
واعتذر ياللي تحبون القصيد الراقي
والله اني كارهن نظم الشعر لي مده
.
.
.
وسلامتكم