صادوه

[خالد العنزي]

قبل العيد بيومين ارسلت رساله جوال ( مقلب ) لعدد من الأصدقاء والشعراء

الرساله كانت ثلاث ابيات شعريه وهي

بالله ياراكب الشواف
.......... سلّم على الصاحب الغالي

قله ترى ماعلي خلاف
......... بس اشتكي جيبي الخالي

ان كان عنده ثلث تلاف
.......... ابشتري ثياب لعيالي



فكانت الردود كالتالي

"

قايد الحربي

رد برساله : والله يابو يزيد بالحساب الفين تبي نصها ابشر واذا محتاج مره اصبر

ادبر المبلغ كامل تامر امر يبو يزيد


حسين البليهي

رد برساله : ارسل لي رقم حسابك ياليت يكون بالراجحي


ضيف الله اليامي

اتصل : قل عشره عشرين افا عليك بس كلي لك

خلف المشعان
رد باتصال : قعد يضحك نص ساعه ( يدري انها مقلب ) او ( يتمنى انها مقلب )

سعد مطلق رد باتصال : ابشر يبو يزيد ادبرهن انشالله شوي وادق عليك

علمته انها مزحه وقعد يحلفني ساعه اذا محتاج المبلغ فعلا عشان يدبره


عارف سرور

رد برساله : اقلب وجهك

محمد الشلاحي

اتصل ( ارسل لي افضل رد ) درى انها مقلب


خالد الحربي

طنشني ( بس معذور فاقد الشي لايعطيه )

رويف العنزي :

رد برساله : ابشر ابو يزيد كلي لك مرني اذا تقدر انا بالبيت

سلطان ربيع :

رد برساله : رجّع اللي عليك اول هههههههههههههههههههه


بدر حنيف :

مارد واستغربت واتصلت عليه

لقيته عند واحد ينتظره يسحب من الصراف متسلف من ثلاث الاف



بقى كم رد غير صالح للنشر


وسلامتكم

 

[باتل عبدالعزيز]

هههههههههههههههههههه
حلوه

قايد الحربي وده يقول ماعندي
اجل اذا محتاج مره
متوهق ههههههههههههه




عيدك مبارك

 

[خالد العنزي]

رقه

" الكلام بلاش " ابشري لو تبين مليوووون

 

[خالد العنزي]

باتل

اخوك نشبه ماينفع التصريف معه

 

[باتل عبدالعزيز]

خالد الحربي
فاقد الشي لايعطيه : اكييييييييييييييد
عاد خالد من بزوغ نجمه الشعري
وهو يعاني من الفقر



حسين البليهي : شكله على الدين



:
:


اضحك الله سنك ياخالد
تقديري

 

[خالد العنزي]

رقه

ففتي ففتي اذا عطوك شي عشان ابيعك حقوق البث

 

[سعد المغري]

..

هههه

وربي روعة لو أدري كان مسويها والـ ردود أدري كلهم
مثل عارف سرور (اقلب وجهك )..
يسلم هالـ قلب..

 

[خالد العنزي]

خالد وحسين

ونعم الأخوان حطهم على يمناك