[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هايم أدور عن وطن هايم أدور لي حدود = سواح في أرض الفلا والحمل نوخ منكبي
الشوق زاد من التعب والبعد زاد الهم زود = لاني قويت أنسا التعب ولاني محصل ما أبي
الزين غالي عادته والشوك ينبت بالورود = والنفس تهوا الـغاليه والورد آخر مطلبي
يلي تعبت أدوره هالجسم أضناه الصمود = وشلون أشرب ميتك والصد عكر مشربي
يامشغل القلب الخلي يمعلمه معنا الجحود = الـناس تـشرق شـمسها وشلون شمسي تغربي
يامشغل القلب الخلي والناس والعالم هجود = إرفـق بحاله بالهوا قلب الهواوي يعربي
غيرك فلا زاده غلا حبك ترا ماله حدود = حبك أمل ليته حـصل يـلي بـحبك تلعبي
يامن بخل في جيته وفي صده القاسي يجود = يامن عنيناله غلا وبعد المشي صرنا نحبي
كني بحبه ياملا والله كني الي محسود = أعرف أنا حبه تعب وأسعى برجلي لتعبـي
من باع حريه لجل بس إنه يشريله قيود = والي ترا هو باعها حظرة جـنابـي هالغبـي
يامن زرعلك فرحته والناتج الحزن محصود = من حزني القاسي هربت وألقا لحزنك مهربي
وأرجع وأدور عن وطن وأرجع وأدور لي حدود = وماضن أبلقابك وطن يامن كسرلي منكبي[/POEM]