((( فـمـــــان الـلــــه )))

[رجا المريخي]

لإختلاط الأمور وتزاحمها بالنفس

إختلط معها القصيد فإليكم آخر خربشاتي

[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
فمان الله يادمعي فمان الحزن والآهات = فمان الحب وأيامه أبرحل يامعنيني

فمان الله والذكرى تهل بداخلي عبرات = فمان الآه والونَه ودمعاتٍ وسط عيني

فمان الله ياعشقي فمان الله يالبسمات = فمان الله ياحبي مدام الحب ينهيني[/POEM]

وهلا يالحظة الفرقى

هلا ياأآآه ياحرقى

هلا ياحزن بأحشائي

هلا يادمعةٍ زرقا

هلا بفراق محبوبي

فراقٍ ماهو مطلوبي

فراقٍ هو سعى لجله

فراقٍ آل بغروبي

فمان الله يالقاسي

بعبره تحرق أنفاسي

فمان الحب والغيره

وغربه مابها ديره

ورحله مابها رجعه

وحزنٍ فاق تصويره

هلا في عذره الواهي

وجرحٍ بالحشا راهي

فمان الحزن بعيوني

وفمان الرجفه بشفاهي

هلا في درب عناني

مشى في موكب أحزاني

مشى يضحك على جروحي

وأنا هالدمع غطاني

تعالي وإرجعي مره

وشوفي جروحي مخضره

تعالي وإشمتي فيني

فراقك آآه يامره

تعالي وللبشر قولي
غشيم ومايجي حولي

على كيفي أبي أللعبه

ويالله حيل صفقولي

أبي اللعبَه واسليني
حزينه ومن يواسيني

أبي أضحك وأنسا أحزاني

وهاللعبه تكفيني

نعم أصبحت أنا لعبه

ولاكن أستمر صعبه
قويه حيل صدقيني

أصير لخاتمك أشبه

على كيفك تمشيني

يعمي روحي خليني

أنا مليت ياعمري

وربي عنك يغنيني


نعم ياسيدي برحل

فمان الله وتوكل

ودور لعبةٍ غيري

أكيد اليوم بتحصل

ولاكن ياعشيري روح

دور بالمحبه روح

مثل حبي ولا تلقى

نطق لك صمته المفضوح

وخسرت بعندك أحبابك

أبي وش فادك غيابك

تكلم قول صارحني

منو مثلي تغنابك

أجل خسران وبتخسر

يقلبي وليه تتحسر

مدامه هو خسر حبك

أجل وش عادله تسهر

يقلبي ريح أعصابك

وسكر عنهم بابك

كذا ترتاح وتريح

أنا ياقلبي أدرابك

أبي تصرخ معي يالله

فمان الحُب والذِله

فمان اللعب بأعصابي

وخلٍ خان في خله

فمان الخاين وممشاه

وفمان الطاري وذكراه

ردد يالله ياقلبي

فمان الله

فمان الله

فمان الله

 

[عبدالعزيز رشيد]

وآهاااات لأحزاااان تتلو آلامها
وانسياب حرفٍ بلذّة مؤلمة
ونصّ
يغرينا بقراءته عدّة مرات رغم آلامه

تحيّاتي لك

 

[ميــرال]

اي خربشات

شعر شعر

مشاعر تفوح باالحب الصدق

رجا حميد


يسلم بوحك على هاالنص

كنت رائع

مساك ود

 

[هدب]

فمان الله يالقاسي

بعبره تحرق أنفاسي

فمان الحب والغيره

وغربه مابها ديره


الشاعر الرائع رجا حميد

قصيدة رائعة ايها الرائع

رغم الحزن ولوعة الفراق

صح لسانك

تحياتي لكـ

 

[فهد مفلح]

هلااااااااااااااااااااا بأبداع ماله حدود

لاهنت وتحياتي لشموخ حرفك

لك ودّي

 

[سعود بادي]

.
.
رجا محمد
وياهلا فيك وفي عطرك المميز
وحرفك الآسر ..
هنا للشعور والشعر طعم آخر
صح لسانك ودام نبضك الراقي
وفمان الله
.
.
.

 

[رجا المريخي]

المشاركة الأصلية كتبت بواسطة عبدالعزيز رشيد

وآهاااات لأحزاااان تتلو آلامها
وانسياب حرفٍ بلذّة مؤلمة
ونصّ
يغرينا بقراءته عدّة مرات رغم آلامه

تحيّاتي لك

أهلاً بك أخي العزيز

وأهلاً بهذا الحضور العذب

إحترامي وتقديري

 

[نبراس المشعل]

كلمات رقيقة وبوح شفاف ومعاني قريبة من الروح

لله در المشاعر حينما تأتي بمثل هذه الأريحية

تحياتي لك وننتظرك في رائعة اخرى