[سعـد الوهابي]

[poem=font="simplified arabic,6,darkred,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
ألا ياقلبك القاسي قويت الصد والهجران = وقلبي في غيابك مافوى يهجرك ويعافك
تعلق بك مثل ماهو يتعلق بالحياة إنسان = ولا عبّر صدودك . . لا . . ولا جازاك بإسرافك
تشبث في كفوف الذكريات اللي معاك ألوان =وعمره في أنتظارك مر ماطاعه ولا طافك
وقف مع ذكرياتك في انتظارك وقفة الفرسان =وثنى من دون حبك نبضه وماعاش حوافك
رخص عمره لأجل قلبك وقلبك غالي الأوطان =بعينه صغرت سمان العرب في مقابل عجافك
كسر في ذكرك جيوشاً من السلوان والنسيان = ودفنك بصدره ولو مرك النسيان ماشافك
توهم بك تحفظ الود ولاتنسى الغلا اللي كان = ونسيته أو تناسيته ومات بصدمة إجحافك
دخيل الحب ولأجله كيف بعيونك غلانا هان = وكيف الوصل مات بمعرفتك وتحت إشرافك ؟
ألا ياقلبك القاسي قويت الصد والهجران = وقلبي رغم ماسويت لانسيك ولاعافك [/poem]



سعـد