يا نوف كم باقي من الصبر يا نوف
لو ما معك في كايد الشوق دبرة
اذا أنحني من باسق النخل كرنوف
إما تهز الجذع ... ما طاح تمرة
صحيح احبك واكره الذل والخوف
واصعب على المقفى اذا طال عمره
والليل ما يصبح على طرف مكفوف
إن نام .. والا .. مقضي الليل سمرة
مثل العتب لا صاخ في وجه مخطوف
كله صخب ... ما يحسن العذر نبرة
نبرة حزيّنة تنكسر .. كسرة الشوف
والخاطر المكسور .. ما فيه جبرة
لو راح جسرة ردّه الشوق ملهوف
طاحت عصاته .. وانحنى قوس ظهره
تحياتي لكم ,,,
سالم العامري